આમિર ખાનની દીકરી આયરાની થઈ સગાઈ: બોયફ્રેન્ડના હાથમાં હાથ નાખી સુંદર લાલ ગાઉનમાં આવી

આમિર ખાનની પુત્રી આયરા ખાન અને નૂપુર શિખરેની સગાઈ થઇ ગઇ છે. આ સગાઈના કાર્યક્રમમાં આખા ખાન પરિવારની તસ્વીરો સામે આવી છે. જેમાં આયરાને લાલ રંગના સુંદર ગાઉનમાં જોઇ શકાય છે. તો નુપુર શિખરેએ બ્લેક કલરનુ શૂટ પહેરીને કેમેરામેનને પોઝ આપી રહ્યાં છે. બંનેના પરિવાર અત્યંત ખુશ છે.

આમિર ખાનની પુત્રી આયરા ખાન અને નૂપુર શિખરેની સગાઈ થઇ

આમિર ખાનની પુત્રી આયરા ખાને બોયફ્રેન્ડ નૂપુર શિખરે સાથે સગાઈ કરી છે. થોડા મહિના પહેલા આયરાને નુપુરે પ્રપોઝ કર્યુ હતુ. આ પ્રપોઝનો વીડિયો આયરાએ તેના ઈન્સ્ટાગ્રામ પર શેર કર્યો હતો. હવે બંનેની સત્તાવાર સગાઈ પણ થઇ ગઇ છે. આ સેલિબ્રેશનમાં આમિર ખાન અને તેનો આખો પરિવાર ભાગ લેવા પહોંચ્યો.

આયરા લાલ રંગના ગાઉનમાં દેખાય છે સુંદર

આખા ખાન પરિવારના ફોટા સામે આવ્યાં છે. જેમાં આયરાને લાલ રંગના સુંદર ગાઉનમાં જોઇ શકાય છે. તો નુપુર શિખરેએ બ્લેક રંગનો શૂટ પહેર્યો છે અને કેમેરામેન સામે ઉભા રહીને ફોટા પડાવી રહ્યાં છે. બંનેના ચહેરા પર સારી સ્માઈલ હતી અને ગ્લો પણ હતો. આ ઉપરાંત આમિર ખાનને પણ આ પ્રસંગે એવી રીતે દેખાવ આપ્યો કે આવી રીતે ક્યારેય જોવા મળ્યાં નથી.

આમિર ખાન ઓળખાતા જ નહોતા

લાંબી સફેદ દાઢીમાં આમિર ખાનને ઓળખવો ખૂબ મુશ્કેલ હતો. વ્હાઈટ રંગનો કુર્તો અને પાયજામો પહેરીને આમિર ખાને કેમેરા માટે પોઝ આપ્યો. આંખે કાળા ચશ્મા પહેર્યા હતા. જેમાં તેઓ ખૂબ સુંદર દેખાઈ રહ્યાં છે. આમિરની પહેલી પત્ની અને આયરા ખાનની રીના દત્તા પણ પુત્રીની સગાઈમાં સ્ટાઈલિશ અંદાજમાં પહોંચી હતી. ક્રીમ અને પીળા રંગની સાડીમાં રીના અત્યંત સુંદર લાગતી હતી.