રેસ્ટોરન્ટ મતદાન કરેલ નું ટપકું બતાવો 25% ડિસ્કાઉન્ટ
ખાસ-ખબર સંવાદદાતા
જૂનાગઢ સક્કરબાગ સામે આવેલ ઉપરના માળે પટેલ રેસ્ટોરન્ટના મલિક શાંતિભાઈ પટેલે મતદાન જાગૃતિ અંગે અનોખી પહેલ કરી છે. જૂનાગઢ શહેર અને જિલ્લાના કુલ પાંચ બેઠકો પર વધુમાં વધુ મતદાન થાય તેમાટે અનોખો વિચાર કરીને લોકોને અનોખો સંદેશ આપ્યો છે.
- Advertisement -
જૂનાગઢ જિલ્લાની પાંચ બેઠકનું મતદાન પ્રથમ તબકામાં 1 ડિસેમ્બરના રોજ યોજવાનું છે. જેને લઈને મતદાનના દિવસે જે કોઈપણ વ્યક્તિ મતદાન કરીને પટેલ રેસ્ટોરન્ટમાં આવશે અને મતદાન સ્લીપ અને હાથની આંગળીમાં મતદાનનું ટપકું બતાવશે તેને હોટલ તરફથી 25% ડિસ્કાઉન્ટની ઓફર કરીછે શાંતિભાઈ પટેલના જણાવ્યા અનુસાર આજે લોકશાહીના મહા મહાપર્વમાં વધુને વધુ મતદાન થાય તેવા પ્રયાસો થઈ રહ્યા છે. જેના કારણે અમારી શહેરમાં ત્રણ હોટલ આવેલી છે.
ત્યારે મતદાન દિવસે ત્રણેય હોટલ પર ભોજન કરવા આવતા કોઈ પણ ગ્રાહક મતદાન કરીને આવશે તેને 25% ડિસ્કાઉન્ટ ભોજનના બિલમાં આપવામાં આવશે. આ અમે વધુમાં વધુ મતદાન થાય અને લોકોમાં મતદાનમાં ઉત્સાહ વધે તેવા પ્રયાસો કર્યા છે.
