માતા અને બાળકને જરૂરી સારવાર મળી જતા બંને નવ જીવન આપ્યું
ખાસ-ખબર ન્યૂઝ જૂનાગઢ
ખીજડીયા ગામમાં મજૂરી કામ કરતા એક બેનને ડિલિવરીનો દુ:ખાવો થવાથી મેંદરડા સીએચસી સેન્ટર ખાતે લઇ જવામાં આવ્યા હતા ત્યારે ત્યાંના ફરજ પરના તબીબે ચેક કરતા માલુમ થયું હતું કે, માતાની હાઇટ ઓછી છે.અને બાળકના ધબકારા ખુબ ઓછા મળે છે માટે તુરંત 108 એમ્બ્યુલન્સનો સંપર્ક કરેલ હતો
- Advertisement -
મેંદરડા 108ના ઇએમટી મયુર બારડ અને પાયલોટ મહેશભાઈ રબારી તુરંત મેંદરડા સીએચસી પહોંચી ગયેલા અને માતાને એમ્બ્યુલન્સમા શિફ્ટ કરી જૂનાગઢ સિવિલ હોસ્પિટલ રવાના થયેલ પરુતું રસ્તામાં બેનને અસહ્ય દુ:ખાવો થવાથી એમ્બ્યુલન્સ રસ્તામાં ઉભી રાખી અને ડિલિવરી કરાવી હતી પરંતુ બાળક જન્મ બાદ રડતુંના હતું અને શ્વાસ પણ લય શકતુ ન હતું.આવી જોખમી પરિસ્થિતિમાં ઇએમટી મયુર બારડ તુરંત કુત્રિમ શ્વાસ અને 02 બાળકને આપવામાં આવ્યું હતું અને અમદાવાદ હેડ ઓફિસના ડોક્ટર સાથે ફોનમાં વાત કરી જરૂરી સારવાર 108માં આપવામાં આવી હતી સાથે માતાને પણ ખૂબ જ લોહી વહી ગયેલા હોઈ તેને પણ 108માં જરૂરી પાયન્ટ અને ઈન્જેશન આપેલ હતા અત્યારે માતા અને બાળક સિવિલ હોસ્પિટલ જૂનાગઢમાં દાખલ છે અને તદુરસ્ત છે.આમ 108ની સમય સર અને જડપી સારવારને લીધે બે અમુલ્ય જીવને નવું જીવન મળેલ છે આ 108ની ટિમ દ્વારા સારી કામગીરી બદલ જિલ્લાના અધિકારીઓ દ્વારા 108 ઈમરજન્સી સેવાના કર્મચારીઓની સરહારનીય કામગીરીને બિરદાવવામાં આવી હતી
