9 થી 6 વાગ્યા સુધી અવસર પાર્ટી પ્લોટ દોલતપરા કાર્યક્રમ
ખાસ-ખબર સંવાદદાતા
જૂનાગઢ શહેરના વોર્ડ નંબર 1 તથા 2 ના લોકો માટે તા.4 જુન ના રોજ સેવાસેતુ કાર્યક્રમ અવસર પાર્ટી પ્લોટ, દોલતપરા જૂનાગઢ ખાતે સવારના 9 કલાક થી યોજાશે. રાજ્ય સરકાર દ્વારા લોકોના પ્રશ્રનોનો ત્વરીત ઉકેલ લાવવા, તેમજ એક જ સ્થળે 56 જેટલી સેવાઓ આપવા સેવાસેતુનો અભિગમ અપનાવાયો છે. જેથી લોકોને અલગ-અલગ કચેરીમાં જવામાંથી મુક્તિ મળવા સાથે નિયત સમયમર્યાદામાં લોકોના પ્રશ્નો-અરજીઓનું નિવારણ કરી શકાય.
- Advertisement -
સેવાસેતુમાં વિવિધ વિભાગો તથા મહાનગરપાલિકા તંત્ર દ્વારા આધારકાર્ડ નોંધણી, માં અમૃતમકાર્ડ નોંધણી, સખીમંડળ, જનધન યોજના, મામલતદાર કચેરી દ્વારા રેશનકાર્ડમાં નામ ફેરફાર, આવકના દાખલા, જાતીના દાખલા, ઉજ્જવલા યોજના, જુદી-જુદી બેંકો દ્વારા ખાતા ખોલવા, વિજળીકરણ, સ્વરોજગાર યોજના, એસ.ટી. વિભાગ દ્વારા માસિક પાસ તથા ઓનલાઇન રીઝર્વેશન તેમજ ફરીયાદને લગતી સેવાઓના સ્ટોલ કાર્યરત કરવામાં આવશે અને વ્યક્તિલક્ષી રજૂઆત પણ ધ્યાને લઇ તેનો સ્થળ ઉપર જ નિકાલ કરવામાં આવશે તેમજ વિવિધ સહાય મેળવવા ઇચ્છતા લોકોએ પોતાના આધાર પૂરાવા સાથે હાજર રહેવા જણાવાયું છે.
