જૂનાગઢમાં ટ્રાન્સપોર્ટના પાર્સલમાં વિદેશી દારૂનો જથ્થો ઝડપાયો

ખાસ-ખબર સંવાદદાતા
જૂનાગઢમાં ગેરકાયદેસર રીતે વિદેશી દારૂનો વેપલો કરનાર સામે પોલીસે ધોસ બોલાવી છે ત્યારે વધુ એક વખત દારૂનો જથ્થો જૂનાગઢ ક્રાઇમ બ્રાંચે ઝડપી પાડયો છે. જેમાં મળતી વિગત મુજબ જૂનાગઢ ક્રાઇમ બ્રાંચના પીઆઇ જે.એચ.સિંધવ તથા પીએસઆઇ જે.જે.ગઢવી અને સ્ટાફને ચોકકસ બાતમી મળતા ગાંધીગ્રામના બુટલેગર હરેશ ઉર્ફે હરીયો આવળાભાઇ ગરચરે બહારના રાજયોમાંથી ટ્રાન્સપોર્ટ મારફતે પાર્સલમાં વિદેશી દારૂની પેટી નંગ.5 તથા પાઉંચ નંગ 144 જેની કુલ કિંમત રૂા.86400નો મુદ્દામાલ કબ્જે કર્યો હતો. પોલીસે દોલતપરા પાસે આવેલ નાયરા પેટ્રોલ પંપ પાછળ ડિલેવરી લી. નામના ટ્રાન્સપોર્ટ મારફતે પાર્સલ બોકસમાં બહારના રાજયમાંથી વિદેશી દારૂ જથ્થો મળી આવ્યો હતો. જયારે દારૂ મંગાવનાર હરેશ ગરચરની શોધખોળ શરૂ કરી છે.