હળવદના કુંભારપરામાં રહેણાંક મકાનમાંથી વિદેશી દારૂનો જથ્થો ઝડપાયો

25 હજારથી વધુની કિંમતના દારૂના જથ્થા સાથે બુટલેગરની ધરપકડ
ખાસ-ખબર સંવાદદાતા
હળવદ શહેરના કુંભારપરા વિસ્તારમાં પોલીસે બાતમીને આધારે દરોડો પાડીને રહેણાક મકાનના બાથરૂમમાંથી વિદેશી દારૂના જથ્થા સાથે એક બુટલેગરને ઝડપી પાડીને આગળની કાર્યવાહી હાથ ધરી હતી. હળવદ પોલીસ ટીમે બાતમીના આધારે શહેરના કુંભારપરા વિસ્તારમાં દરોડો પાડ્યો હતો જ્યાં રામદેવપીરના મંદીર પાસે આવેલા રહેણાંક મકાનના બાથરૂમમાંથી રૂ. 25,400 ની કિંમતની અલગ અલગ બ્રાન્ડની વિદેશી દારૂની 72 બોટલો મળી આવી હતી જેથી પોલીસે વિદેશી દારૂના જથ્થા સાથે બુટલેગર મુકેશ ઉર્ફે બુટી રાણાભાઈ મુંધવાને ઝડપી પાડીને ધોરણસરની કાર્યવાહી હાથ ધરી હતી.