સરદારધામ દ્વારા આયોજિત ‘”GPBS બિઝનેસ એકસ્પો 2025’ હેલિપેડ ગ્રાઉન્ડ, ગાંધીનગર ખાતે યોજાશે
ખાસ-ખબર ન્યૂઝ રાજકોટ
- Advertisement -
સરદારધામના નેજા હેઠળ ઓનિક્સ દ્વારા આયોજિત ‘જીપીબીએસ 2025 દેશ કા એકસ્પો’નું આયોજન આગામી તા. 9, 10, 11, 12 જાન્યુઆરી 2025 દરમિયાન હેલિપેડ એક્ઝિબિશન સેન્ટર, ગાંધીનગર ખાતે કરાયું છે. જેનો ઉદ્દેશ્ય અમદાવાદ અને ગાંધીનગર સહિત સમગ્ર ગુજરાતના વેપાર ઉદ્યોગ જગતને વૈશ્ર્વિક સ્તરે પહોંચાડવાની અને તેમને આંતરરાષ્ટ્રીય કક્ષાએ યોગ્ય પ્લેટફોર્મ પૂરું પાડવાનો છે.
આ એકસ્પોને અનુલક્ષીને રાજકોટ ખાતે 20 ઓકટોબરના રોજ એક પ્રમોશનલ ઈવેન્ટ યોજાશે. પરેશભાઈ ગજેરા, જેન્તીભાઈ સરધારા, કૌશિકભાઈ રાબડીયા, સુભાષભાઈ ડોબરીયા અને જીતેન્દ્રભાઈ કથીરીયા ઉપસ્થિત રહેશે. જાન્યુઆરી 2025માં 1,00,000 સ્કેવર મીટર એક્ઝિબિશન એરિયામાં યોજાનાર આ બિઝનેશના મહાકુંભ સમાન એકસ્પોમાં 1600થી વધુ કંપનીઓ પોતાના બિઝનેશનું પ્રતિનિધિત્વ કરશે. દેશ-વિદેશના મળીને 10,00,000થી પણ વધુ લોકો આ એકસ્પોની મુલાકાત લેશે.
જીપીબીએસ 2025 દેશ કા એકસ્પોમાં ખાસ કરીને નવા સ્ટાર્ટઅપ ઉદ્યોગોને વેગ મળશે. એકસ્પોની આ પાંચમી એડિશન છે. આ બિઝનેશ એકસ્પોમાં દેશ જ નહીં વિદેશના સર્વે સમાજના ઉદ્યોગપતિઓ તેમજ વેપારીઓ ભાગ લેશે. દર વર્ષની જેમ આ વર્ષે પણ આ એકસ્પો થકી ઘણા ઉદ્યોગોને વેગ મળશે તેની અમને સંપૂર્ણ આશા છે. આ બિઝનેશ એકસ્પો થકી દેશની જીડીપીમાં પણ વધારો થશે.
2020 હેલિપેડ ગ્રાઉન્ડ ગાંધીનગર ખાતે, 2022માં સરસાણા એક્ઝિબિશન સેન્ટર સુરત ખાતે અને 2024માં નવા રીંગ રોડ, રાજકોટ ખાતે પણ આ બિઝનેશ સમિટ યોજાઈ હતી.
એકસ્પોમાં દેશના ટોચના બિઝનેશ સ્પીકર અને મોટીવેશનલ સ્પીકર્સ પણ નવા ઉદ્યોગકારોને માર્ગદર્શન આપે તેવી ખાસ વ્યવસ્થા કરવામાં આવી છે. દેશ કા એકસ્પોનું મુખ્ય લક્ષ્ય દેશના ઉદ્યોગો અને બ્રાન્ડ્સને રાષ્ટ્રીય અને આંતરરાષ્ટ્રીય સ્તરે પહોંચાડવાનું છે. જેનાથી ઉદ્યોગોમાં હરણફાળ ક્રાંતિ આવશે અને સર્વાંગી વિકાસ પણ થશે. દેશ-વિદેશના ઉદ્યોગપતિઓ, એક્ઝિબિટર્સ, ઈન્ટરનેશનલ એકચ્યુઅલ બાયર્સ અને મોટી સંખ્યામાં વિઝીટર્સને એકસાથે એક મંચ પર લાવી દરેક ભારતીય ગર્વ લઈ શકે તે પ્રકારનો આ એકસ્પો છે. દેશના યુવાધન અને નવા સ્ટાર્ટઅપ ઉદ્યોગકારોને આ બિઝનેશ એકસ્પો થકી સંપૂર્ણ માર્ગદર્શન મળી રહેશે. ખાસ કરીને મહિલા સશક્તિકરણને પ્રોત્સાહન આપવા માટે મહિલાઓને પણ અહીં પ્લેટફોર્મ પૂરું પાડવામાં આવશે.
- Advertisement -
