કેનેડામાં વધુ એક નિયમ બદલાયો
ખાસ-ખબર ન્યૂઝ કેનેડા
કેનેડાની સરકારે ફરી એકવાર સ્ટુડન્ટ્સ વિઝાની નીતિમાં ફેરફાર કર્યો છે. પોસ્ટ ગ્રેજ્યુએટ વર્ક પરમિટ માટે અરજી કરનાર પોસ્ટ ગ્રેજ્યુએટ થયા પછી તેની લાયકાત પ્રમાણેના જોબની જરૂૂરિયાત હશે તો જ તેમને વર્ક પરમિટ આપવામાં આવશે. કેનેડા સરકારના આ નિર્ણયની ગુજરાત અને ભારતથી કેનેડા અભ્યાસ કરવા માટે ગયેલા અને પોસ્ટ ગ્રેજ્યુએટ્સનો કોર્સ કરી રહેલા 23 ટકા વિદ્યાર્થીઓ પર અસર પડશે. પોસ્ટ ગ્રેજ્યુએટ થઈને કોઈ વિદ્યાર્થી બહાર નીકળે ત્યારે તેની સ્કીલ પ્રમાણેના જોબને ઓક્યુપેશન ડિમાન્ડ લિસ્ટમાંથી જ કાઢી નાખીને તેમની હાલાકી વધારી દે તેવી સંભાવના વધી ગઈ છે.
પોસ્ટ ગ્રેજ્યુએટ થયા પછી જોબ મળી જ જશે તેવી નિશ્ર્ચિતતાનો આ સાથે જ છેદ ઊડી જશે એમ જણાવતા કેનેડાના વિઝાના એક્સપર્ટ્સ પંકજ પટેલ કહે છે કે ’આ સંજોગોમાં લાખોની ફી ખર્ચીને પોસ્ટ ગ્રેજ્યુએટ થઈને જોબ માર્કેટમાં એન્ટ્રી લેશે. ત્યારે તેની કાર્યકુશળતા પ્રમાણેનો જોબની ડિમાન્ડ જન હોવાનું જણાવીને તેમને જોબથી અને વર્કપરમિટથી વંચિત કરી દેવાની નીતિ કેનેડાની સરકાર અપનાવી રહી છે. હા, પી.એચડી. કરનારા વિદ્યાર્થીઓને જોબમળી શકશે. પરંતુ તેઓ નવા નક્કી કરેલા ધોરણો મુજબ પાત્રતા ધરાવતા હોવા જોઈએ.’
- Advertisement -
ઓસ્ટ્રેલિયાની સરકાર 2011ની સાલથી આ નીતિ અપનાવતી આવી છે. પરિણામે ઓસ્ટ્રેલિયા અભ્યાસ માટે જઈને કાયમી નિવાસી તરીકેનો દરજ્જો હાંસલ કરવા માગતા વિદ્યાર્થીઓને કાયમી નિવાસીનું સ્ટેટસ મળતા સાતથી આઠ વર્ષ જેટલો સમય લાગી જાય છે. હવે કેનેડા ભણવા જનારા વિદ્યાર્થીઓએ પણ કાયમી નિવાસીનું સ્ટેટસ મેળવવા માટે 8થી વધુ વર્ષ સુધી રાહ જોવાની નોબત આવી શકે છે.
