જૂનાગઢ મજેવડી દરવાજા પાસેથી બસ ચોરી કરનાર શખ્સ ઝડપાયો

ખાસ-ખબર ન્યૂઝ જૂનાગઢ, તા.4

જૂનાગઢ શહેરના મજેવડી દરવાજા પાસે આવેલ ગેરેજમાં બસ મુકી હતી અને તે ગેરેજ બંધ થતા બસના ડ્રાઇવર અને ગેરેજ માલિક બસ ત્યાં જ રાખી પોત પોતાના ઘરે જતા રહ્યા હતા અને બીજા દિવસે આ બસ ચોરાઇ ગઇ હતી જે અંગેની ફરિયાદ થતાની સાથે ડીવાયએસપી હિતેશ ધાંધલીયાના માર્ગદર્શનમાં એ-ડીવીઝન પીઆઇ વી.જે.સાવજ, ડી-સ્ટાફના પીએસઆઇ ઓ.આઇ.સીદી સહિતના સ્ટાફે નેત્રમ શાખાના સીસીટીવી કેમેરાની મદદ લઇ તપાસ હાથ ધરી હતી

અને બસ ચોરનાર શહેરના ખ્વાજા નગરમાં રહેતો સિકંદર હાજીભાઇ સમાને બાતમીના આધારે ઝડપી લીધો હતો. આ શખ્સ પાસેથી બસ તેમજ તેમણે સરગવાડા કારખાના વિસ્તારમાંથી ચોરેલ બાઇક કબ્જે કરી વધુ તપાસ હાથ ધરી હતી.