દસાડાના જૈનાબાદ ખાતેથી એક શખ્સને હથિયાર સાથે SOG ટીમે ઝડપી લીધો

સિંગલ બેરલ મઝરલોડ બંધુક કિંમત 3000/- રૂપિયાની જપ્ત

ખાસ-ખબર ન્યૂઝ સુરેન્દ્રનગર, તા.20
સુરેન્દ્રનગર જીલ્લા એસ.ઓ.જી ટીમના પીઆઇ બી.એચ.શિંગરખિયા, પી.એસ.આઇ એન.એ.રાયમા, ચેહરભાઈ તથા મહાવીરસિંહ રાઠોડ સહિતનો સ્ટાફ પેટ્રોલીંગમાં હોય તેવા સમયે એક શખ્સ પાટડીના જૈનાબાદથી રસુલાબાદ તરફ જવાના રોડ પર હથિયાર સાથે હોવાની બાતમીના આધારે ઝડપી લઇ પ્રતાહ્મિક પૂછપરછમાં પોતે મહમદઆરીફ અલ્લારખાભાઈ કુરેશી હોવાનું જણાવી શખ્સ પાસે એક સિંગલ બેરલ મઝર લોડ બંધુક કિંમત 3000/- રૂપિયાની જપ્ત કરી શખ્સ વિરુદ્ધ ગુન્હો નોંધી કાર્યવાહી હાથ ધરી હતી.

કોરડા ગામની સીમ વિસ્તારમાંથી વિદેશી દારૂનો જથ્થો ઝડપાયો

ખાસ-ખબર ન્યૂઝ સુરેન્દ્રનગર, તા.20
સુરેન્દ્રનગર જીલ્લા એલ.સી.બી સ્ટાફના પીઆઇ જે.જે.જાડેજા, પી.એસ.આઇ એન.એ.રાયમા સહિતનો સ્ટાફ પેટ્રોલીંગમાં હોય તેવા સમયે ચૂડા તાલુકાના કોરડા ગામે મનસુખભાઇ ધનજીભાઈ કોળીની વાડીમાં વિદેશી દારૂનો જથ્થો હોવાની બાતમીના આધારે એલ.સી.બી સ્ટાફે દરોડો કરી ગાયો – ભેંસો બાંધવાના ઢાળીયામાં બનાવેલ ચોરખાનાની અંદર વિદેશી દારૂની બોટલ 256 નંગ કિંમત 1,68,192/- રૂપિયાનો જપ્ત કર્યો હતો આ સાથે મનસુખ ધનજીભાઈ સાકરીયાને વિદેશી દારૂના જથ્થા સાથે ઝડપી પ્રાથમિક પૂછપરછમાં વિપુલ ઉર્ફે હપો મનસુખભાઇ સાકરીયાનું નામ ખોલતા બંને વિરૂદ્ધ ગુન્હો નોંધી કાર્યવાહી હાથ ધરી હતી.