ખેતરમાં તુવેર અને કપાસની સાથે ગાંજો પણ વાવેતર કર્યો હતો
ખાસ-ખબર ન્યૂઝ સુરેન્દ્રનગર
સુરેન્દ્રનગર જીલ્લા એસ.ઓ.જી સ્ટાફે ચોટીલા તાલુકાના ગ્રામ્ય વિસ્તારમાંથી 36 કિલોગ્રામ લીલા ગાંજાના છોડવા ઝડપી પાડયા છે. જાણવા મળતી વિગતો અનુસાર સુરેન્દ્રનગર જિલ્લા એસ.ઓ.જી સ્ટાફના પીઆઇ બી.એસ.શિંગરખીયા, પી.એસ.આઇ એન.એ.રાયમા સહિતનાઓ પેટ્રોલીંગમાં હોય તેવા સમયે ચોટીલા તાલુકાના જાની વડલા ગામની સીમમાં ગોવિંદ કુકાભાઈ રોજાસરા રહે: રાજપર, તા: ચોટીલા વાળા દ્વારા પોતાની કબ્જા ભોગવટાની વાડીએ તુવેર અને કપાસની આડમાં ગાંજાનું વાવેતર કર્યું હોવાની બાતમીના આધારે દરોડો કરતા લીલા ગાંજાના 30 નંગ છોડ જેનો વજન 36 કિલો કિંમત 3.63 લાખ રૂપિયાના જપ્ત કરી ગોવિંદ રોજાસરાને ઝડપી પાડી ચોટીલા પોલીસ સ્ટેશને ગુન્હો નોંધી કાર્યવાહી હાથ ધરી હતી.
