જૂનાગઢ ભવનાથ તળેટી ખાતે શનિદેવના જન્મોત્સવની ભવ્ય ઊજવણી કરાશે

શનિદેવ યજ્ઞ, પૂજા અને મહાપ્રસાદ સહિતના આયોજનો

ખાસ-ખબર ન્યૂઝ જૂનાગઢ, તા.5

જૂનાગઢ ભવનાથત તળેટી ખાતે આવેલ શ્રી શનિદેવ ભગવાન અને માં સરસ્વતીજી માતાના મંદિરે તા.6ને ગુરૂવારના રોજ શનિદેવ જન્મોત્સવ ઉજવાશે.
મંદિરના મંહત તુલશીદાસબાપુએ જણાવ્યુ હતુ કે, કાલે શનિદેવ જન્મોત્સવ નિમિતે સવારે 7:30 કલાકે સમગ્ર જીવસૃષ્ટિના કલ્યાણ અર્થે તેમજ કષ્ટોના નિવારણ માટે મહાયજ્ઞ યોજાશે અને 9:30 કલાકે શ્રી ગણપતિ શનિદેવ સ્થાપિત દેવો અગ્નિદેવોનું પૂજન કરાશે. અને બપોરે 1ર કલાકે મહાપ્રસાદનું આયોજન સાથે સાંજે 6 કલાકે હવનમાં બિડુ હોમાશે. આ યજ્ઞની પૂર્ણાહુતિ થશે તો આ શનિદેવના જન્મોત્સવ નિમિતે દર્શન મહાપ્રસાદ યજ્ઞનોલાભ લેવા તમામ ધર્મપ્રેમી જનતાને મહંત તુલશીદાસબાપુએ જાહેર નિમંત્રણ પાઠવ્યું છે.