જૂનાગઢવાસીઓની એસપીને અદકેરી વિદાઈ
પોલીસ પરિવાર અને આગેવાનો દ્વારા મોમેન્ટો શાલ તેમજ પુષ્પ વર્ષા સાથે શુભેચ્છા: ફૂલોનો વરસાદ સાથે કારને રથની જેમ દોરી વિદાય અપાઇ
- Advertisement -
ખાસ-ખબર સંવાદદાતા
જૂનાગઢ જીલ્લા પોલીસ વડા રવિ તેજા વાસમ સેટ્ટી એટલે સેવા કર્મ અને નિષ્ઠા સાથે જિલ્લાના લોકોના હદયમાં અનેરું સ્થાન મેળવી ખરા અર્થમાં પોલીસ પ્રજાની મિત્રની મિત્ર સૂત્રને સાર્થક કર્યું હતું તાજેતરમાં ગૃહ વિભાગ દ્વારા આઇપીએસ અધિકારીઓની બદલી કરવાના હુકમો કર્યા હતા જેમાં જૂનાગઢ પોલીસ અધિક્ષક રવિ તેજા વાસમ શેટ્ટીને ગાંધીનગર બદલી કરવામાં આવી હતી. જૂનાગઢ જિલ્લા પોલીસ વડાને યાદગાર વિદાય આપવામાં આવી હતી. જેમાં પોલીસ પરિવારના તમામ અધિકારી અને તમામ બ્રાન્ચના પોલીસ કર્મી દ્વારા એક અનોખી અને યાદગાર વિદાય અપાઈ હતી જયારે જૂનાગઢ પોલીસ અધિક્ષક કચેરી ખાતેથી એસપી રવિ તેજા વાસમ સેટ્ટીને ફૂલોનો વરસાદ કરવામાં આવ્યો હતો અને પોલીસ અધિક્ષકની કારને દોરડા વડે ખેંચીને વિદાય આપી હતી તેની સાથે શહેરમાં ઠેર ઠેર ભવ્ય સ્વાગત સાથે સન્માન કરવામાં આવ્યું હતું સતત ફૂલોના વરસાદથી એસપીએ તમામ લોકોનો આભાર વ્યક્ત કર્યો હતો.
જૂનાગઢ શહેરના તમામ અગ્રણી આગેવાનો અને સામાજિક સંસ્થાના આગેવાનો દ્વારા ફુલહાર પહેરાવી પુષ્પ ગુચ્છ અર્પણ કરીને ભાવ ભરી વિદાય આપી હતી તેની સાથે જૂનાગઢ જિલ્લામાં કાયદો વ્યવસ્થાની સ્થિતિ ને જાળવી રાખવામાં સફળ કામગીરી કરનાર પોલીસ અધિક્ષક રવિ તેજા વાસમ સેટ્ટીની યાદો હર હંમેશ લોકોના હૃદય માં રહેશે તેવા ઉદગાર સાથે ભવ્ય વિદાય આપી હતી.
- Advertisement -
બંને અધિકારી માટે ખાસ આયોજન કરાયું
જૂનાગઢ રેન્જ આઇજી અને એસપી ની વિદાય માટે ફન લિયો ખાતે પોલીસ પરિવાર દ્વારા ખાસ એક આયોજન કરવામાં આવ્યું હતું જેમાં પોલીસ અધિકારીઓ અને સ્થાનિક અગ્રણીઓ અને સામાજિક આગેવાનો દ્વારા બંને અધિકારીઓનું ભાવ પૂર્વક સન્માન કરાયું હતું અને તેમના સમય કાળ દરમિયાન થયેલ સફળ કામગીરી ની લોકોએ નોંધ લીધી હતી અને ભવિષ્યમાં અન્ય જિલ્લામાં લોક સેવા કાર્ય થકી વધુ સેવા કાર્ય કરો તેવી શુભેચ્છા પાઠવી હતી.
રેન્જ IG મયંક સિંહ ચાવડાને ભાવ ભરી વિદાય
જૂનાગઢ રેન્જ આઇજી મયંક સિંહ ચાવડાએ ટૂંકા સમયમાં લોકોના હદયમાં સ્થાન મેળવી ચુક્યા હતા અને તેમની રાહબરીમાં લોકસેવાના ખરા અર્થમાં કરી હતી જેમાં તાજેતર માં મજેવડી ગેઇટ પાસે જે બનાવ બનેલ તેમાં તુરંત દોડી આવ્યા હતા અને કાયદો વ્યવસ્થાની સ્થિતિ વધુના વણસે તેમાં તુરંત પગલાં ભરીને પોલીસ ઉપર અને પોલીસ ચોકી ઉપર હુમલો કરનાર આરોપીઓને ગણતરીની કલાકોમાં ઝડપી પાડયા હતા અને કાયદાનું ભાન કરાવ્યું હતું.
જૂનાગઢ પોલીસ અધિક્ષક ફરજ નિષ્ઠા
જૂનાગઢ જિલ્લામાં ફરજ દરમિયાન અનેક એવા કામ કર્યા છે જેમાં સતત લોકોની વચ્ચે રહીને કામ કર્યું જેમાં તાજેતરમાં જે શહેરમાં ભારે વરસાદ પડવાથી પૂરની સ્થિતિ સર્જાય હતી એ સમયે એક પણ વિલંબ કર્યા વિના પાણીમાં તણાતા લોકોના જીવ બચાવ્યા હતા અને એજ સમયે લોકોને ઘર બહાર નહિ નીકળવા અપીલ કર્યાનો વિડિઓ લોકો સુધી પોહચાડી વધુમાં વધુ માનવ જીંદગી બચાવી શકાય તેવા પ્રયાસો કર્યા હતા એજ રીતે દાતાર રોડ પર આવેલ એક ઇમારત ધરાશાય થતા તુરંત પોલીસ કાફલા સાથે દોડી આવ્યા હતા અને કાટમાળમાં દટાઈ ગયેલ લોકોનો જીવ બચાવવા સતત ખડેપગે રહ્યા હતા સાથે તમામ પોલીસ અધિકારી અને કર્મી પણ જોડાયા હતા.