અમરેલીના લિલીયા પંથકમાં મિનરલ વોટરનાં પ્લાન્ટમાંથી નકલી ઘી બનાવતી ફેકટરી ઝડપાઈ

વનસ્પતિ તેલમાંથી તૈયાર કરાયેલા ઘીના નાનાં-મોટા પેકિંગ મળી 30 લાખનો મુદ્દામાલ જપ્ત: રાજુલા પંથકનો શખ્સ ફેકટરી ચલાવતો હતો
ખાસ-ખબર સંવાદદાતા
હમણાં જાણે નકલી વસ્તુંઓની ફેશન ચાલતી હોય તેમ નકલી અધિકારી, નકલી ઓફિસ, નકલી પી.એ., નકલી ટોલનાકુ, નકલી જીરું, ઝડપાયા બાદ અમરેલી જિલ્લાના લીલીયા તાલુકાના પીપળવા ગામેથી જન આરોગ્ય સાથે ગંભીર ચેડા કરતી નકલી ( ’ડુપ્લીકેટ ઘી’) ની ફેકટરી ઝડપાઇ હતી. જેમાં આશરે 30 લાખનો મુદ્દામાલ કબજે કરવાની કાર્યવાહી શરૂ કરાઇ છે. આ બનાવને લઈ અમરેલી પંથકમાં ભારે ચકચાર મચી જવા પામી છે.
આ બનાવમાં જાણવા મળતી વિગત મુજબ અમરેલી જિલ્લાના લીલીયા તાલુકાના પીપળવા ગામે ગઈ મોડી રાત્રે વોટર પ્લાન્ટની આડમાં ચાલતી એક નકલી ઘી ની ફેકટરી પર પોલીસનો દરોડો પાડ્યો હતો. જેમાં નકલી (’ડુપ્લીકેટ ઘી’) ની ફેકટરી ઝડપાઇ હતી. જેમાં પોલીસે દરોડો પડતા તેમાં અમૃત મિનરલ વોટર પ્લાન્ટની આડમાં ચાલતી હતી નકલી ઘી બનાવવાની ફેકટરી ધમધમતી હતી.
ત્યારે વનસ્પતિ તેલમાંથી ડુપ્લીકેટ ઘી બનાવતી ફેકટરી લીલીયા પોલીસે ઝડપી પાડી નકલી ધી નો જથ્થો, વનસ્પતિ તેલ સહિતની મશીનરી કબ્જે કરવામાં આવી છે. જ્યારે આ નકલી ઘી બનાવતી ફેક્ટરીમાંથી નકલી ઘી ભરવાના નાના મોટા ડબ્બા, બેરલ, મશીનરી સહિત આશરે 30 લાખનો મુદ્દામાલ કબજે કરવાની કાર્યવાહી શરૂ કરાઇ છે.
જ્યારે જન આરોગ્ય સાથે ગંભીર ચેડા કરતી નકલી ઘી ની ફેકટરી ઝડપાઈ જતા અમરેલી પંથકમાં ભારે ચકચાર મચી જવા પામી છે. જ્યારે નકલી ઘી ની ફેક્ટરી રાજુલાનો એક શખ્સ લીલીયા તાલુકાનાના પીપળવા ગામે ચલાવતો હતો. અત્રે ઉલ્લેખનીય છે કે, હજુ હમણાં જ દિવાળી તથા લગ્નસરાની મોસમ પુરી થઈ છે. ત્યારે આવા પ્રસંગોમાં આવા નકલી ઘી નો પણ ઉપયોગ થયો હોવાની શક્યતા નકારી શકાતી નથી. ત્યારે લાખો લોકના પેટમાં આ ’નકલી ઘી’ પધરાવી દેવાયું હોવાની પણ શક્યતા છે. ત્યારે આ ફેક્ટરીમાંથી કેટલા લોકોને ’નકલી ઘી’ સપ્લાય કરવામાં આવેલ છે. તે પણ તપાસનો વિષય છે. લીલીયા ઙજઈં સિદ્ધરાજ સિંહ ગોહિલને બાતમી મળી હતી. જેના આધારે પોલીસની ટીમે દરોડા પાડ્યા હતા.જે પછી પીપળવા પાણીના પ્લાન્ટની આડમાં મોટી માત્રામાં ઘીનો જથ્થો મળી આવ્યો હતો. નકલી ઘીનો મોટા પ્રમાણમાં જથ્થો જોઇને પોલીસ પણ ચોંકી ઉઠી હતી.