રીંગ રોડ, ચૌધરી હાઈસ્કૂલ, ત્રિકોણ બાગ સહિતના સ્થળો પરથી 951 બોર્ડ-બેનરો હટાવાયા
ખાસ-ખબર સંવાદદાતા
રાજકોટ મહાનગરપાલિકાની દબાણ હટાવ શાખા દ્વારા તા. 23થી 28/08ની શહેરમાં જુદી જુદી જગ્યાએ જાહેર માર્ગો પર દબાણ રૂપ એવા રેંકડી-કેબીન, અન્ય ચીજવસ્તુઓ, શાકભાજી-ફળો જપ્તી તેમજ પશુઓને આપવામાં આવતું લીલું, બોર્ડ-બેનરો વગેરે જપ્ત કરવાની કામગીરી કરવામાં આવી હતી.
- Advertisement -
જાહેર રસ્તા પર નડતર 11 રેંકડી-કેબીનો ફુલછાબ ચોક, મોટી ટાંકી ચોક, ડેપ્યુટી મેયર ચોક, નાના મવા ચોક પરથી જપ્ત કરવામાં આવી હતી. જુદી-જુદી અન્ય 23 પરચુરણ ચીજવસ્તુઓ જપ્ત કરવામાં આવી હતી જે નાના મવા મેઇન રોડ, પુષ્કરધામ મેઇન રોડ પરથી જપ્ત કરવામાં આવી હતી.
20 કી.ગ્રા. શાકભાજી-ફળો કે જે ઉપયોગમાં લઇ શકાય તેમ ન હતા તેને પુષ્કરધામ મેઈન રોડ પરથી જપ્ત કરવામાં આવ્યા હતા તેમજ રૂા. 36,300 જીવરાજપાર્ક સાધુ વાસવાણી રોડ, ગાયત્રીનગર મેઇન રોડ, જ્યુબેલી ચોક, પેલેસ રોડ, ભુપેન્દ્ર રોડ, કરણસિંહજી રોડ, કેસરી પુલ પરથી વસુલ કરવામાં આવ્યો હતો અને 951 બોર્ડ-બેનરો જે કોઠારીયા રોડ, સોરઠીયા વાડી, રેસકોર્ષ રિંગ રોડ, ચૌધરી હાઇસ્કુલ, ત્રિકોણ બાગ,પંચાયત ચોક, કિશનપરા ચોક, મહિલા કોલેજ ચોક, ટાગોર ચોક પરથી જપ્ત કરવામાં આવ્યા હતા.
