ઈન્ટર ઝોનલ ફૂટબોલ ટુર્નામેન્ટમાં રાજકોટની ટીમ બીજા નંબરે

ખાસ-ખબર ન્યૂઝ  રાજકોટ, તા.6

અમદાવાદ ખાતે રમાયેલા ખેલ મહાકુંભ સિનિયર ભાઈઓની ઈન્ટર ઝોનલ ફૂટબોલ ટુર્નામેન્ટમાં રાજકોટ સીટીની ફૂટબોલ ટીમ સેમી ફાઈનલમાં બરોડાની પારૂલ યુનિવર્સિટીને 2-0 ગોલથી હરાવીને ફાઈનલમાં પહોંચેલી. ફાઈનલ મેચમાં રાજકોટ સીટી ટીમનો વલસાડ સીટી ટીમ સામે 1-2 ગોલથી પરાજ્ય થયો છે. રાજકોટ સીટી ટીમ ગુજરાત લેવલે બીજો નંબર પ્રાપ્ત કરી રનર્સ અપ થયા છે. આ ટીમના કેપ્ટન તરીકે અક્ષય લુણાગરીયાએ સેવા આપી હતી. ખેલ મહાકુંભ 2024માં સૌરાષ્ટ્ર ઝોનમાં રાજકોટ સીટી ટીમ વિજેતા થયા છે.

રનર્સ અપ થયેલ ટીમને ડિસ્ટ્રીક્ટ ફૂટબોલ એસોસિએશનના પ્રમુખ ગુણવંતરાય ડેલાવાળા તથા કમિટી મેમ્બર તથા રાજકોટના ફૂટબોલ ખેલાડીઓએ અભિનંદન પાઠવ્યા હતા.