સિંગર ડૉ. પ્રીતિ ભટ્ટે ગાયેલા ‘શ્રી રામચંદ્ર કૃપાલુ ભજમન’નું લૉન્ચિંગ

ખાસ-ખબર ન્યૂઝ રાજકોટ, તા.18

સીંગર, એન્કર, રાઈટર, એકટર ડો. પ્રીતિ ભટ્ટ પોતાની સિદ્ધ મ્યુઝિક નામની યુ-ટયૂબ ચેનલ શ્રી રામચંદ્ર કૃપાલુ ભજમન નામની રામ ભગવાનની રામસ્તુતિનું ગઈકાલે રામનવમીના દિવસે લોન્ચીંગ કરવામાં આવ્યું હતું. આ રામ સ્તુતિ – રામ ભજન તદ્દન નવા જ અંદાજમાં અને યુવાનોને પણ ભક્તિરસથી ભરી દે એવી રીતે સંગીતબદ્ધ કરી છે તેવું ‘ખાસ-ખબર’ સાથેની વાતચીત દરમિયાન ડો. પ્રીતિ ભટ્ટએ જણાવ્યું હતું. યુવા સંગીતકાર ઓમ દવેએ એડીટીંગ મિક્સીંગ કર્યું છે

તેમજ નીરજ વ્યાસે અદ્યતન ટેકનોલોજી અને આજના સમયમાં ખૂબ પ્રચલિત બનેલી એવી એનિમેશન મૂવીરૂપે શ્રી રામજીની સ્તુતિનો વિડીયોગ્રાફી ઓમ દવેએ કરી છે એટલું જ નહીં પરંતુ નવી પેઢીને પણ ધર્મ તથા ભક્તિનો માર્ગ બતાવવા નવી રીતે આ ચેનલની શરૂઆત ભક્તિપદથી કરી છે જે યુ-ટયૂબ ચેનલની સાથે સાથે તમામ ઓટીટી પ્લેટફોર્મ પર પણ રજૂ થશે જેથી દેશ-વિદેશમાં વસતા લોકો પણ ભક્તિના અને ધર્મના માર્ગને સમજ અને એ તરફ વળે તેવું પ્રીતિ ભટ્ટનું કહેવું છે.