9 ઝેરી સાંપ, ઝેર અને વિદેશી ગર્લ્સ સાથે રેવ પાર્ટી: એલ્વિશ યાદવ વિરુદ્ધ ફરિયાદ દાખલ થઇ

આરોપ છે કે, યુટ્યુબરની પાર્ટીમાં પ્રતિબંધિત સાપ અને વિદેશી યુવતીઓની પાર્ટી હતી. એલ્વિશ પર દાણચોરીથી લઈને ગેરકાયદેસર રીતે રેવ પાર્ટીઓનું આયોજન કરવાનો આરોપ

યુટ્યુબર એલ્વિશ યાદવ ઘણા સમયથી હેડલાઈન્સમાં છે. તાજેતરમાં એલ્વિશે એક એફઆઈઆર નોંધાવી હતી, જે મુજબ યુટ્યુબરને અજાણ્યા નંબર પરથી કોલ આવ્યો હતો જેમાં તેની પાસેથી 1 કરોડ રૂપિયાની ખંડણીની માંગ કરવામાં આવી હતી. જોકે હવે ખુદ યુટ્યુબર વિરુદ્ધ ફરિયાદ દાખલ કરવામાં આવી છે. નોઈડા પોલીસે યુટ્યુબર વિરુદ્ધ ફરિયાદ દાખલ કરી છે. હાલમાં જ નોઈડા પોલીસે સેક્ટર 49માં દરોડો પાડીને પાંચ લોકોની અટકાયત કરી હતી. દરોડા દરમિયાન પોલીસે 9 કોબ્રા સાપ અને સાપનું ઝેર કબજે કર્યું હતું. પોલીસે ધરપકડ કરાયેલા લોકોની પૂછપરછ કરી તો એલ્વિશ યાદવનું નામ પણ સામે આવ્યું.

એલ્વિશ યાદવ મુશ્કેલીમાં મુકાયો
આ મામલો સામે આવ્યા બાદ ફરી એક વખત એલ્વિશ યાદવ મુશ્કેલીમાં મુકાઈ ગયો છે. મળતી માહિતી મુજબ એલ્વિશ યાદવ પર નોઈડામાં રેવ પાર્ટીનું આયોજન કરવાનો આરોપ છે. આરોપ છે કે,યુટ્યુબરની પાર્ટીમાં પ્રતિબંધિત સાપ અને વિદેશી યુવતીઓની પાર્ટી હતી. એલ્વિશ પર દાણચોરીથી લઈને ગેરકાયદેસર રીતે રેવ પાર્ટીઓનું આયોજન કરવાનો આરોપ છે. તેના પર દાણચોરી સાથે સંકળાયેલા લોકો સાથે સંબંધ હોવાના પણ આરોપ છે.

શું કહ્યું નોઇડા પોલીસે ?
આ મામલામાં નોઈડા પોલીસના જણાવ્યા અનુસાર પોલીસ સ્ટેશન સેક્ટર-49 દ્વારા દાખલ કરવામાં આવેલી ફરિયાદના આધારે નોઈડા સેક્ટર-51 સ્થિત બેંક્વેટ હોલમાં પાર્ટી કરવાના સંબંધમાં અને સાપનું ઝેર પૂરું પાડવામાં કેસમાં એલ્વિશ યાદવ સહિત 6 લોકો સામે કેસ નોંધવામાં આવ્યો છે. જે પાંચ લોકો વિરુદ્ધ કેસ નોંધવામાં આવ્યો છે તેમના નામ રાહુલ, તિતુનાથ, જયકરણ, નારાયણ અને રવિનાથ હોવાનું કહેવાય છે.

બિગ બોસથી લાઈમલાઇટમાં આવ્યો એલ્વિશ યાદવ
બિગ બોસ વિનર બન્યા બાદ લાઈમલાઈટમાં આવેલા યુટ્યુબર એલ્વિશ યાદવ મુશ્કેલીમાં છે. નોઈડા પોલીસે તેની વિરુદ્ધ FIR નોંધી છે. આ મામલો વન્યજીવ સંરક્ષણ સાથે જોડાયેલો છે. મળતી માહિતી મુજબ એલ્વિશ પર દાણચોરી અને ગેરકાયદેસર રીતે રેવ પાર્ટીઓનું આયોજન કરવાનો આરોપ છે. આ સાથે તે લોકોની દાણચોરી સાથે પણ સંકળાયેલો હતો. એક NGOએ સ્ટિંગ ઓપરેશન કર્યું અને નોઈડા પોલીસમાં ફરિયાદ નોંધાવી. જેના આધારે નોઈડા પોલીસે કાર્યવાહી હાથ ધરી છે.

શું કહેવું છે ફરિયાદીનું ?
FIRની કોપી મુજબ આરોપીઓમાં એલ્વિશ યાદવનું નામ પણ નોંધાયેલું છે. પીપલ ફોર એનિમલ્સમાં એનિમલ વેલફેર ઓફિસર તરીકે કામ કરતા ગૌરવ ગુપ્તાએ આ એફઆઈઆર નોંધાવી છે.ગૌરવ ગુપ્તાના જણાવ્યા અનુસાર નોઈડામાં આવી ગતિવિધિઓની માહિતી મળી રહી હતી. એવું પણ બહાર આવ્યું છે કે, યુટ્યુબર એલ્વિશ યાદવ કેટલાક લોકો સાથે નોઈડા-એનસીઆરના ફાર્મ હાઉસમાં સાપના ઝેર અને જીવંત સાપ સાથે વીડિયો શૂટ કરે છે. આ સાથે ગેરકાયદેસર રીતે રેવ પાર્ટીઓનું આયોજન કરવાની પણ માહિતી મળી હતી.

એલવીશે પોતે એજન્ટનો નંબર આપ્યો હતો અને પછી….
આ માહિતીના આધારે એક બાતમીદારે એલ્વિશ યાદવનો સંપર્ક કર્યો હતો. આવી વાત કરતાં એલવીશે રાહુલ નામના એજન્ટનો નંબર આપ્યો અને કહ્યું કે, તમે તેને નામથી ફોન કરશો તો વાતચીત થઈ જશે. આ પછી બાતમીદારે રાહુલનો સંપર્ક કર્યો અને તેને પાર્ટીનું આયોજન કરવા આમંત્રણ આપ્યું. ફરિયાદીએ વન વિભાગના અધિકારીઓ અને પોલીસને જાણ કરી હતી. 2 નવેમ્બરના રોજ આરોપી સાપ લઈને સેવરોન બેન્ક્વેટ હોલમાં પહોંચ્યો હતો. દરમિયાન વન વિભાગની ટીમે પોલીસની મદદથી આરોપીને પકડી લીધો હતો. પોલીસે દિલ્હીથી પાંચ લોકોની ધરપકડ કરી છે, જેની ઓળખ રાહુલ, તિતુનાથ, જયકરણ, નારાયણ અને રવિનાથ તરીકે થઈ છે.

દરોડામાં કયા સાપ ઝડપાયા?
પોલીસના દરોડામાં સાપનું ઝેર, પાંચ કોબ્રા, એક અજગર, બે લાંબી પૂંછડીવાળા સાપ અને એક ઘોડાની પૂંછડીવાળો સાપ મળી આવ્યો હતો. પોલીસે જણાવ્યું કે, તમામ પાંચ આરોપીઓની ધરપકડ કરવામાં આવી છે. એલ્વિશ યાદવ સહિત છ નામના અને કેટલાક અજાણ્યા લોકો સામે કેસ નોંધવામાં આવ્યો છે. આ ગેંગ સાથે એલ્વિશ યાદવની સંડોવણી અંગે તપાસ કરવામાં આવી રહી છે.