ચીનમાં સ્કુલ જીમની છત તૂટી પડતા 9 ના મોત, અનેક ઇજાગ્રસ્ત

-ઘાયલોને સારવાર માટે હોસ્પીટલે ખસેડાયા

હેયલોંગ જિયાંગ અહીંની એક સ્કુલ જીમમાં છત પડી જતાં જીમમાં રહેલા 9 લોકોના કાટમાળમાં દબાઈ જવાથી મૃત્યુ નીપજયા હતા.જયારે અનેક લોકો ઘાયલ થયા હતા અને બે લોકો જીવન-મરણ વચ્ચે ઝોલા ખાઈ રહ્યા છે.

દૂર્ઘટના સર્જાઈ ત્યારે જીમમાં 19 લોકો હતા.ઘટના સમયે ચાર લોકો બચી ગયા હતા. 15 લોકો ફસાઈ ગયા હતા. ઘાયલ લોકોને સારવાર માટે હોસ્પીટલ ખસેડાયા હતા. દુર્ઘટનાનું કારણ એ બહાર આવ્યું છે કે જીમની બાજુમાં અન્ય ઈમારતનું નિર્માણ થતુ હતું. આ ઈમારત બનાવતા મજુરોએ જીમની છત પર લાઈટ રાખી હતી જેના વજનથી છત તૂટી ગઈ હતી.