માલવીયાનગર પોલીસે રૂા.42 હજારનો મુદામાલ જપ્ત કર્યો
ખાસ-ખબર ન્યૂઝ રાજકોટ
અંકુરનગર મેઈન રોડ પરથી રેઢી દારૂની 84 બોટલ ઝડપાઈ હતી. જયારે બુટલેગર હિરેન પરમાર નાસી છૂટતા માલવીયાનગર પોલીસે શોધખોળ હાથ ધરી હતી. દરોડાની વિગત મુજબ માલવીયાનગર પોલીસ મથકના પીઆઈ જે.આર.દેસાઈની રાહબરીમાં પીએસઆઈ એસ.એ.સીંધી ટીમ સાથે પેટ્રોલીંગમાં હતા.
- Advertisement -
ત્યારે સાથેના હેડ કોન્સ. અજય વિકમા અને કોન્સ. ભાવેશ ગઢવીને મળેલ ચોકકસ બાતમીના આધારે અંકુરનગર મેઈન રોડ, અંકુર સ્કૂલની બાજુમાં, જાહેર રોડ પરથી રેઢી દારૂની 84 બોટલ મળી આવતા રૂા.42 હજારના મુદામાલ જપ્ત કર્યો હતો. જયારે પોલીસ તપાસમાં દારૂનો જથ્થો બુટલેગર હિરેન અરવિંદ પરમાર નામના શખ્સનો હોવાનુ ખુલતા પોલીસે તેની શોધખોળ હાથ ધરી હતી.
