99.97 લાખ રૂપિયાના વિદેશી દારૂ સહિત 1.35 કરોડનો મુદ્દામાલ જપ્ત કરાયો
ખાસ-ખબર ન્યૂઝ સુરેન્દ્રનગર, તા.16
સુરેન્દ્રનગર જિલ્લામાં ફરી એક વખત ગાંધીનગર એસ.એમ.સી ટીમના સ્ટાફ દરોડો કરી વિદેશી દારૂ અને સ્થાનિક પોલીસનું કનેક્શન ખુલ્લું પડ્યું હતું. જેમાં મામલવારે વહેલી સવારે થાનગઢ બાયપાસ પર આવેલી સુપ્રિમ સિરામિક કારખાના નજીક ટ્રકમાંથી વિદેશી દારૂના કટીંગ સમયે જ ગાંધીનગર એસ.એમ.સી ટીમ દ્વારા દરોડો કરતા નાસભાગ મચી ગઈ હતી જે દરમિયાન એસ.એમ.સી સ્ટાફ દ્વારા 21792 બોટલ વિદેશી દારૂ કિંમત 99,97,920 રૂપિયા, એક ટ્રક તથા એક બોલેરો કાર કિંમત 35,00,000/- રૂપિયા, 7 નંગ મોબાઇલ કિંમત 95,000/- રૂપિયા તથા 41,500 રોકડ સહિત કુલ 1,35,94,420/- રૂપિયાના મુદામાલ સાથે અશોક દાદુભાઈ ધાંધલ રહે: થાનગઢ, વિશ્વજીતસિંહ ભરતભાઈ ખાચર રહે: વેલાળા (થાનગઢ), હુકમારામ હરખરામ રહે: બાડમેર (રાજસ્થાન), રાહુલ રણજીતભાઇ ડાભી રહે: ઉમરડા (મૂળી), ખેંગાર સિંધાભાઈ મુંધવા રહે: ઉમરડા (મૂળી), રાહુલભાઇ રમેશભાઈ ઉધરેજીયા રહે: વેળાવદર(ધ્રાંગધ્રા), વાસુદેવ રઘુભાઈ શ્રવણ રહે: ઉમરડા(મૂળી) કાનાભાઈ મહાદેવભાઈ રુદાતલા રહે: ઉમરડા (મૂળી) વાળાને ઝડપી લીધા હતા જ્યારે વિદેશી દારૂ મંગાવનાર રવિ ઉર્ફે ટીડો ધાંધલ રહે: સાયલા, ઉદયભાઈ દાદભાઈ રહે: કળમાદ, બોલેરો જીજે 01 જે ટી 8753ના માલિક, ટ્રક આર જે 23 જી ડી 7239ના માલિક, સુરેન્દ્રસિંહ સુરસા જાટ રહે: રાજસ્થા (વિદેશી દારૂ મોકલનાર), ગોપાલભાઈ કાનાભાઈ ખાંભલા રહે: ઉંમરડા(મૂળી), તથા વિદેશી દારૂનો જથ્થો ટ્રકમાં ભરી આપનાર અજાણ્યા ઈશમ સહિત કુલ 15 ઈસમો વિરુધ થાનગઢ પોલીસ મથકે ગુન્હો નોંધી કાર્યવાહી હાથ ધરી છે.
- Advertisement -
થાનગઢ પોલીસ મથકના
PSI અને IAS સસ્પેન્ડ
થાનગઢ હાઈવે પર ખુલ્લેઆમ વિદેશી દારૂના કટીંગ પર એસ.એમ.સીની ટીમ દ્વારા દરોડો કરી સ્થાનિક પોલીસની બેદરકારી અથવા સંડોવણી ખુલ્લી પડી હતી. આ દરોડામાં થાનગઢ પોલીસ મથકના ઈનચાર્જ પીઆઇ જે.એમ. કછોટ (પીએસઆઇ) તથા એ.એસ.આઇ એમ.બી.સોલંકીને તાત્કાલિક ધોરણે સસ્પેન્ડ કરવામાં આવ્યા છે. આ સાથે અન્ય બે પોલીસ કર્મચારીઓ પર પણ લટકતી તલવાર હોવાની માહિતી મળી રહી છે.
PI દસ દિવસથી તપાસમાં હોવાને લીધે બચી ગયા
- Advertisement -
ગાંધીનગર એસ.એમ.સી દ્વારા વિદેશી દારૂના કટીંગ સમયે દરોડો કરી 1.35 કરોડનો મુદામાલ ઝડપી પાડ્યો હતો જેથી સ્પષ્ટ રીતે સ્થાનિક પોલીસ શંકાના દાયરામાં હતી. આ તરફ થાનગઢ પોલીસ મથકના પીઆઇ વી.કે.ખાંટ દશ દિવસથી એની રાજ્યમાં તપાસ અર્થે ગયા હતા અને તેવા સમયે આ દરોડો થતા પીઆઇ વી.કે.ખાંટ સસ્પેન્ડ થવાથી બચી ગયા હતા.
