રાજયમાં 40 મેડિકલ કોલેજ અંતર્ગત U.G.ની 7050 અને P.G.ની 2761 બેઠક ઉપલબ્ધ

ખાસ-ખબર સંવાદદાતા
આરોગ્ય મંત્રી ઋષિકેશ પટેલ એ વિધાનસભામાં જણાવ્યું હતું કે, ડોક્ટર બનવાનુ સ્વપ્ન સેવતા રાજ્યના ગરીબ અને મધ્યમ વર્ગીય વિદ્યાર્થીઓના સ્વપ્નને પાંખ આપવાનું ભગીરથ કાર્ય રાજ્ય સરકારે કર્યું છે.
વડાપ્રધાન નરેન્દ્રભાઈ મોદીના પ્રત્યેક જિલ્લામાં મેડિકલ કોલેજ કાર્યરત કરવાના સંકલ્પને સિદ્ધ કરવાની દિશામાં મુખ્યમંત્રી ભૂપેન્દ્રભાઈ પટેલના નેતૃત્વ હેઠળની સરકારે કામગીરી હાથ ધરી છે.
હાલ રાજ્યમાં 6 સરકારી કોલેજ ઉપરાંત રાજ્ય સરકાર દ્વારા સંચાલિત 13 ૠખઊછજ કોલેજ સહિત 40 મેડિકલ કોલેજ ઉપલબ્ધ છે. રાજ્યના બાકી રહી જતા જિલ્લાઓમાં પણ મેડિકલ કોલેજ કાર્યરત કરાવવા સરકારે યુધ્ધના ધોરણે કામગીરી હાથ ધરી છે. રાજ્યમાં હાલ 40 મેડિકલ કોલેજ અંતર્ગત ઞ.ૠ..(સ્નાતક) ની 7050 અને ઙ.ૠ.(અનુસ્નાતક)ની 2761 બેઠક ઉપલબ્ધ છે.
રાજ્યમાં છેલ્લા બે વર્ષમાં મેડિકલ બેઠકોમા થયેલ વધારાની વિગતો જોઇએ તો સ્નાતકની 1350 અને અનુસ્નાતકની 531 બેઠકો વધી છે. વર્ષ 2027 સુધીમાં ઞ.ૠ..(સ્નાતક) ની 8500 અને ઙ.ૠ..(અનુસ્નાતક) ની અંદાજિત 3700 બેઠક ઉપલબ્ધ કરાવવા સરકારે આયોજન હાથ ધર્યું છે.
ૠખઊછજ કોલેજ માં અભ્યાસ કરતા અંદાજિત 2400 વિદ્યાર્થીઓ પૈકી 1743 એટલે કે 72% વિદ્યાર્થીઓને સરકારની વિવિધ યોજનાઓ અંતર્ગત ફીમાં રાહત આપવામાં આવે છે. છેલ્લા 2 દાયકામાં મેડિકલ કોલેજ અને બેઠકોમાં થયેલ વધારાની સ્થિતિ જોઇએ તો , વર્ષ 2001માં 10 મેડિકલ કોલેજની સામે વર્ષ-2024 માં 40 કોલેજ (400%), 1275 સ્નાતક બેઠકની સામે 7050(553%) અને 830 અનુસ્નાતક બેઠકની સામે 2947(335%)(186-ઉગઇની બેઠકો) નો વધારો થયો છે.