જિલ્લા મેજિસ્ટ્રેટને મોકલવામાં આવેલી માર્ગરેખા ભેદભાવભરી: સરકાર ગાઈડલાઈન પણ છુપાવે છે: હાઈકોર્ટ
ખાસ-ખબર સંવાદદાતા
ગુજરાતમાં વધતા જતા ગન કલ્ચર વચ્ચે રાજય સરકારે ગન-લાયસન્સ અંગે નવા નિર્દેશો આપતા હવે હાઈકોર્ટે આ નવી માર્ગરેખા પર પ્રશ્ર્ન ઉઠાવી અને નિરીક્ષણ વ્યક્ત કર્યુ હતું કે રાજય સરકાર ગન લાયસન્સમાં તદન ભેદભાવ રીતે વર્તી રહી છે અને તેની ગાઈડલાઈન પણ છૂપાવી રહી છે. જૂનાગઢના પુંજાભાઈ સુત્રોના નામના સિનીયર સીટીઝનનું ગન લાયસન્સ રીન્યુ નહી કરવાના સરકારના નિર્ણય સામે તેઓએ હાઈકોર્ટમાં અપીલ કરતા આ નવી ગાઈડલાઈન અંગે હાઈકોર્ટને માહિતી આપવાથી સરકારને ફરજ પડી હતી જેમાં સૂત્રોના 65 વર્ષના થયા છે અને તેઓ 21 વર્ષથી ગન લાયસન્સ ધરાવે છે જે રીન્યુ કરવાથી અરજી જુનાગઢ જીલ્લા મેજીસ્ટ્રેટે નકારી હતી. આ માટે રાજય સરકાર દ્વારા 2017માં ઈસ્યુ કરાવેલ એક પરિપત્રનો હવાલો અપાયો હતો. જેમાં સતાવાળાઓને સ્પષ્ટ આદેશ આપવામાં આવ્યા હતા કે હવે રીન્યુઅલ માટે આવતા તમામ ગન લાયસન્સની પુન: સમીક્ષા થશે અને જેમાં બે દશકાથી ગન લાયસન્સ ધરાવતા હોય તેનું લાયસન્સ રીન્યુ થશે નહી અને જેમની ઉમર 60 વર્ષ કે તેથી વધુની થઈ હોય અને તેના જીવન સામે સુરક્ષાનો કોઈ રીપોર્ટ ન હોય કે એસેચમેન્ટ ન હોય તો તેનું લાયસન્સ રીન્યુ થશે નહી. હાઈકોર્ટના ન્યાયમૂર્તિ બિરેન વૈષ્ણવે ટીપ્પણી કરી કે 60 વર્ષથી ઉપરની વયના લોકોને ગન લાયસન્સ રીન્યુ નહી કરવાનો આદેશ આશ્ચર્યજનક છે. જેમ તેમાં વધુ વૃદ્ધ થાય છે તેમ તમે વધુ અસલામતી અનુભવો છો. શા માટે 65 વર્ષના વ્યક્તિને ગન લાયસન્સની જરૂર રહેશે નહી! ન્યાયમૂર્તિએ સરકારી ધારાશાસ્ત્રીને કહ્યું કે સરકાર કંઈ ગાઈડલાઈનને અનુસરીને ગન લાયસન્સ રીન્યુ કરવા ઈન્કાર કરી રહી છે તે મને દર્શાવો. આ એક ભેદભાવવાળો આદેશ છે. અને કોપી પેસ્ટ કરાયો છે. ગુજરાત સરકારે આ અગાઉ હાઈકોર્ટ સમક્ષ જણાવ્યું હતું કે છેલ્લા 20 વર્ષમાં 6589 ગન લાયસન્સ ઈસ્યુ કરાયા છે અને જે રીતે ગનનો દુરઉપયોગ વધી રહ્યો છે તે પછી નવી માર્ગરેખા આપવામાં આવી છે. જો કે હાઈકોર્ટ પુજા સૂત્રેજાના ગન લાયસન્સ રીન્યુ નહી. કચ્છના જીલ્લા મેજીસ્ટ્રેટના આદેશને રદ કરીને અરજદારે ઓનલાઈન પેમેન્ટના બદલે કેશ પેમેન્ટ કરવાનો આગ્રહ રાખ્યો તેથી આ લાયસન્સ રીન્યુ ન થાય તે ભૂમિકા અગાઉ પણ હાઈકોર્ટ નકારી છે. ઓનલાઈન પેમેન્ટ એક વિકલ્પ છે. ઉપરાંત અરજદારના જીવન પર ભય નહી હોવા અંગે જે ઉમરનું કારણ અપાયું છે તે પણ સ્વીકાર્ય બને તેવું નથી. તેથી હવે આ લાયસન્સ રીન્યુ કરવાની અરજી પર પુન: વિચારણા કરી નિર્ણય લેવા જીલ્લા મેજીસ્ટ્રેટને આદેશ આપ્યો હતો.