55 વર્ષીય કામી રીતા શેરપાએ 31 વખત માઉન્ટ એવરેસ્ટ ચઢીને પોતાનો જ રેકોર્ડ તોડ્યો

નેપાળીએ 31મા માઉન્ટ એવરેસ્ટ શિખર પર ચડીને વિશ્વ રેકોર્ડ તોડ્યો

કાઠમંડુ પોસ્ટ અખબારે મિંગમાને ટાંકીને જણાવ્યું કે આ નવી સિદ્ધિ વિશ્વની ટોચ પર સૌથી વધુ ચઢાણ કરવાના રેકોર્ડ ધારક તરીકે તેમનું સ્થાન મજબૂત બનાવે છે. એક એવો રેકોર્ડ જેની નજીક કોઇ પહોંચી શક્યું નથી. તેમણે કહ્યું કે શિખર પર પહોંચ્યા પછી કામી રીટા સુરક્ષિત અને સ્થિર છે. તેમણે ઉતરવાનું શરૂ કરી દીધું છે અને બેઝ કેમ્પ તરફ પાછા ફરી રહ્યા છે. હંમેશાની જેમ કામીએ પર્વત પર પોતાની અજોડ કુશળતા અને વ્યાવસાયિકતાનું પ્રદર્શન કર્યું છે. અમને તેની સિદ્ધિઓ અને તેના દ્વારા બનાવાઇ રહેલા વારસા પર ખૂબ ગર્વ છે.

છેલ્લા બે વર્ષમાં કામી રીટાએ દરેક સીઝનમાં બે વાર માઉન્ટ એવરેસ્ટ પર ચઢાણ કર્યું છે. જેથી તેમના સફળ શિખરોની સંખ્યા ૩૦ થઇ ગઇ છે. સેવન સમિટ ટ્રેક્સના એક્સપિડિશન ડિરેક્ટર ચાંગ દાવા શેરપાએ જણાવ્યું કે કામી રીટાને નાનપણથી જ પર્વતારોહણનો ઊંડો શોખ હતો અને બે દાયકાથી વધુ સમયથી પર્વતો પર ચઢાણ કરી રહ્યા છે.