દક્ષિણ આફ્રિકામાંથી એક ભયાનક આગના સમાચાર સામે આવ્યા છે. દક્ષિણ આફ્રિકાના સૌથી મોટા શહેર જોહાનિસબર્ગમાં એક બહુમાળી ઈમારતમાં ભયાનક આગ ભભૂકી ઉઠી હતી. વહેલી સવારે લાગેલી ભીષણ આગમાં ઓછામાં ઓછા 52 લોકોના મોત થયા છે, એમ ઈમરજન્સી સર્વિસે જણાવ્યું છે. મૃતકોમાં બાળકનો પણ સમાવેશ થાય છે.
ઈમરજન્સી મેનેજમેન્ટ સર્વિસે જણાવ્યું હતું કે આજે વહેલી સવારે ફાટી નીકળેલી આગમાં અન્ય 43 લોકો ઘાયલ પણ થયા હતા. ઈમારતને ખાલી કરાવવામાં આવી છે. પ્રવક્તા રોબર્ટ મુલાઉડઝીએ જણાવ્યું કે રાહત બચાવ કામગીરી ચાલી રહી છે. આગ લાગવાનું કારણ હજુ સુધી જાણી શકાયું નથી. સત્તાવાળાઓએ જણાવ્યું હતું કે આગ મોટા ભાગે ઓલવાઈ ગઈ છે.
- Advertisement -
