વિશ્ર્વ બેંકે કહ્યું: ગયા વર્ષ કરતાં 5% વધારો
ખાસ-ખબર સંવાદદાતા
પાકિસ્તાનમાં 95 મિલિયન લોકો ગરીબી રેખા નીચે જીવે છે. આ 24 કરોડની કુલ વસ્તીના 39.4% છે. તેમની દૈનિક કમાણી 3.65 ડોલર એટલે કે 1,048 પાકિસ્તાની રૂૂપિયા છે. ભારતીય ચલણમાં તે 300 રૂૂપિયા બરાબર છે. વર્લ્ડ બેંકે કહ્યું- 2022માં ગરીબી 34.2% હતી, જે હવે 5% વધીને 39.4% થઈ ગઈ છે.
વિશ્ર્વ બેંકે ચેતવણી આપી છે કે એક વર્ષમાં 1.25 કરોડ લોકો ગરીબી રેખા (ઇઙક) નીચે આવી ગયા છે. આ પછી બીપીએલની વસ્તી વધીને 9.5 કરોડ થઈ ગઈ છે. સ્થિતિ વણસી રહી છે. આને રોકવા માટે તાત્કાલિક પગલાં ભરવાની જરૂૂર છે. વિશ્ર્વ બેંકે પાકિસ્તાનને કૃષિ અને રિયલ એસ્ટેટ પર કર લાદવા અને નકામા ખર્ચમાં કાપ મૂકવા કહ્યું છે. પાકિસ્તાનના ભૂતપૂર્વ વડા પ્રધાન નવાઝ શરીફે તાજેતરમાં કહ્યું હતું કે દેશમાં ગરીબ લોકો રોટલી માટે તડપી રહ્યા છે. એક્સપ્રેસ ટ્રિબ્યુન અખબારના સમાચાર અનુસાર, વિશ્ર્વ બેંકે શુક્રવારે પાકિસ્તાનની આગામી સરકાર માટે ડ્રાફ્ટ પોલિસી તૈયાર કરી છે. જેમાં પાકિસ્તાનની આર્થિક સ્થિતિ સાથે જોડાયેલી માહિતી આપવામાં આવી હતી.
વર્લ્ડ બેંકના એક અધિકારીએ કહ્યું- પાકિસ્તાનનું આર્થિક મોડલ ગરીબી ઘટાડવામાં સક્ષમ નથી. સમકક્ષ દેશોની સરખામણીએ અહીં જીવનધોરણ પણ ઘટી રહ્યું છે. વિશ્ર્વ બેંકે સૂચવ્યું કે ટેક્સ-ટુ-જીડીપી ગુણોત્તર તરત જ 5% વધવો જોઈએ અને ખર્ચ જીડીપીના લગભગ 2.7% જેટલો ઘટાડવો જોઈએ. આ અસ્થિર અર્થવ્યવસ્થાને પાટા પર લાવી શકે છે. આ સિવાય વિશ્ર્વ બેંકે પણ સરકારની આવક વધારવાના ઉપાયો સૂચવ્યા છે. વિશ્ર્વ બેંકે કહ્યું કે આવક-થી-જીડીપી રેશિયોમાં 5% સુધારો કરવા માટે ટેક્સ બ્રેક્સ પાછી ખેંચી શકાય છે. આ સિવાય રિયલ એસ્ટેટ અને એગ્રીકલ્ચર સેક્ટર પર પણ ટેક્સ વધારી શકાય છે. પાકિસ્તાનમાં મોંઘવારીને કારણે સ્થિતિ ખરાબ છે. અહીં પેટ્રોલની કિંમત પાકિસ્તાની રૂૂપિયા 26.02 વધીને 331.38 રૂૂપિયા થઈ ગઈ છે.
જ્યારે હાઈ-સ્પીડ ડીઝલ 17.34 રૂૂપિયા વધીને પાકિસ્તાની રૂૂપિયા 329.18 થઈ ગયું છે. પાકિસ્તાની મીડિયા ડોન અનુસાર, છેલ્લા એક મહિનામાં પેટ્રોલ અને ડીઝલના ભાવમાં લગભગ 58.43 રૂૂપિયા અને 55.83 રૂૂપિયાનો વધારો થયો છે. વાસ્તવમાં, ઓગસ્ટમાં મોંઘવારી દર 27.4% થી વધુ વધ્યો, ત્યારબાદ પેટ્રોલિયમના ભાવમાં વધારો થયો. આગામી દિવસોમાં સામાન્ય ભાવમાં પણ વધારો થવાની શક્યતા છે.
