મેઘરાજાની ફરી બેટીંગ શરૂ : જૂનાગઢમાં 1 ઈંચ, રાજકોટમાં છૂટાં છવાયાં ઝાપટાં
ખાસ-ખબર સંવાદદાતા
જૂનાગઢ જિલ્લામાં આજે મંગળવારે સવારથી વાદળ છાયા વાતાવરણ વચ્ચે ફરી વરસાદી માહોલ જામ્યો છે. જેમાં વિસાવદરમાં 3 ઈંચ અને જૂનાગઢમાં 1 ઈંચ વરસાદ વરસ્યો હતો. જેના પગલે શહેર અને પંથકમાં રસ્તાઓ પર વરસાદી પાણી વહેતા થયા હતા. જ્યારે જિલ્લાના અન્ય તાલુકાઓમાં વરસાદી ઝાપટા વરસ્યાં હતા. વિસાવદરમાં સવારે 8થી 10 વાગ્યા સુધીમાં 2 કલાકમાં 2 ઈંચ વરસાદ વરસ્યા બાદ સવારે 10થી 12 વાગ્યા સુધીમાં ફરી એક ઈંચ વરસાદ વરસતા વિસાવદરમાં ત્રણ ઈંચ વરસાદ વરસ્યો હતો.
જિલ્લામાં 15 દિવસ પહેલા ધોધમાર વરસાદ વરસ્યા બાદ મેઘરાજાએ વિરામ લીધો હતો. આ દરમિયાન આજે મંગળવારે ફરી ભારે વરસાદ વરસ્યો હતો. તાજેતરમાં હવામાન વિભાગે વરસાદની આગાહી કરી હતી જેને પગલે જિલ્લામાં ફરી વરસાદ શરૂ થયો છે. સોરઠના બંન્ને જિલ્લાના આકાશમાં છેલ્લા બે દિવસથી વાદળછાયુ વાતાવરણ છવાયેલું જોવા મળી રહ્યું હતું. આજે સવારથી જિલ્લા મથક જૂનાગઢ અને વિસાવદર શહેર તેમજ પંથકમાં ધીમીધારે વરસાદ વરસતા મેઘરાજાની બીજી ઈનીગ શરૂ થયી હતી.
- Advertisement -
વાતાવરણમાં ઠંડક પ્રસરી જૂનાગઢ પંથકમાં સવારે 6 થી 10 વાગ્યાં સુધીમાં 24 મીમી (1 ઈંચ) જ્યારે વિસાવદરમાં સવારે 8 થી 10 બે કલાકમાં 2 ઈંચ તેમજ 10 થી 12 વધુ એક ઈંચ વરસાદ વરસાદ કુલ 3 ઈંચ વરસાદ વરસ્યો હતો. જેના પગલે શહેર અને પંથકમાં રસ્તાઓ પર વરસાદી પાણી વહેતા થયા હતા. જ્યારે વાતાવરણમાં ઠંડક પ્રસરી ગઈ હતી. આ ઉપરાંત જિલ્લાના અમુક તાલુકાઓમાં વરસાદી ઝાપટા વરસી રહ્યાં હતા.
