3.60 કરોડનો ગાંજો અને ચોરીના 18 બાઈકનો ભેદ ઉકેલવા બદલ પ્રશંસાપત્ર-રોકડ પુરસ્કાર એનાયત

સારી કામગીરી કરવા બદલ પ્રોત્સાહિત કરવા ઝોન-6ના DCP રવિમોહન સૈનીનું આયોજન

પોકેટ કોપ એપ્લિકેશનના ઉપયોગ સહિતની કામગીરીની સરાહના કરાઈ

ખાસ-ખબર ન્યૂઝ અમદાવાદ, તા.26
અમદાવાદ શહેરના પોલીસ કમિશનર જ્ઞાનેન્દ્ર સિંઘ મલિક, જેસીપી સેક્ટર-2 જયપાલસિંહ રાઠોડ તથા નાયબ પોલીસ કમિશનર, ઝોન-6 રવિ મોહન સૈની દ્વારા અમદાવાદ શહેરમાં હાલમાં ચાલી રહેલ કોમ્બિંગ અને સઘન ચેકીંગ તેમજ મિલકત વિરુદ્ધના ગુન્હાઓ, ગઉઙજ એક્ટના ગુન્હાઓ શોધી કાઢવા અને ગંભીર ગુન્હાઓ અટકાવવા આપેલી સૂચના અન્વયે સારી કામગીરી કરનાર પોલીસ અધિકારીઓ તથા સ્ટાફને બિરદાવી તેઓ દ્વારા કરવામાં આવેલી સારી કામગીરીની સરાહના કરાઈ હતી. તાજેતરમાં ઉપરી પોલીસ અધિકારીઓ દ્વારા આપવામાં આવેલ સૂચનાઓના આધારે અમદાવાદ શહેરના ઝોન 6 વિસ્તારના વટવા પોલીસ દ્વારા આશરે 3.60 કરોડનો હાઇબ્રિડ ગાંજો પકડી પાડવામાં આવ્યો હતો. ઈસનપુર પોલીસ દ્વારા પોકેટ કોપ એપ્લિકેશનનો ઉપયોગ કરીને વાહનચોરી કરતી ગેંગને પકડી પાડી 18 ચોરીના મોટર સાયકલ સાથે ચાર આરોપીઓને પકડી પાડી આશરે પાંચ લાખનો મુદામાલ કબજે કરવામાં આવેલ હતો. ઝોન 6ની લોકલ ક્રાઇમ બ્રાન્ચ મારફતે પણ ઘરફોડ ચોરીના ગુન્હાઓ, પ્રોહિ.-જુગારના ગુન્હાઓ તથા વોન્ટેડ આરોપીઓ પકડી પાડવાની સુંદર કામગીરી કરવામાં આવી હતી.

આ ઉપરાંત, ઝોન 6 વિસ્તારમાં સઘન ચેકીંગ અને કોમ્બિંગ દરમિયાન ચોરી, ઘરફોડ ચોરી, મોબાઈલ સ્નેચિંગ સહિતના ગુન્હાઓ શોધી કાઢવાની તથા કાયદો વ્યવસ્થા જળવાઈ રહે એવા અસરકારક પગલાં લેવામાં આવ્યા હોઈ, ઝોન 6 વિસ્તારમાં આવતા પોલીસ સ્ટેશનના પોલીસ અધિકારીઓ તથા સ્ટાફ દ્વારા કરવામાં આવેલ સારી કામગીરી બાબત તેઓને સારી કામગીરી કરવા બદલ પ્રોત્સાહિત કરવા ડીસીપી ઝોન 6 રવિ મોહન સૈની દ્વારા પોતાની કચેરી ખાતે મિટિંગ બોલાવી પ્રશંસાપત્ર આપી, સન્માન કરવામાં આવેલ હતું. અમદાવાદ શહેરના ઝોન 6 ડીસીપી રવિ મોહન સૈની દ્વારા પોતાના ઝોનમાં સારી કામગીરી કરનાર જે ડિવિઝન એસીપી પ્રદીપસિંહ જાડેજાને પાંચ (5) પ્રશંસાપત્રો, લોકલ ક્રાઇમ બ્રાન્ચના પીએસઆઈ એમ. આર. બ્રહ્મભટ્ટને ત્રણ (3) પ્રશંસાપત્રો, પો.કો. જયરાજદાન ગઢવીને બે (2) પ્રશંસાપત્રો, જ્યારે વટવા પીઆઈ પી. બી. ઝાલા, ઈસનપુર પીઆઈ બી. એસ. જાડેજા, વટવા પીએસઆઈ એ. બી. ગંધા, ઈસનપુર પીએસઆઈ આર. બી. તેલે, પો.કો. રાજુભાઈ વેલજીભાઇ, ઇમરાનખાન ઈમામખાન (લોકલ ક્રાઇમ બ્રાન્ચ), યુવરાજસિંહ ગજેન્દ્રસિંહ (ઈસનપુર પોલીસ સ્ટેશન), રાજુભાઈ વિહાભાઈ (ઈસનપુર પોલીસ સ્ટેશન), પો.કો. મેહુલભાઈ જયરામભાઇ દેસાઈ (વટવા પોલીસ સ્ટેશન)ને એક-એક પ્રશંસાપત્ર આપવામાં આવેલ હતા. ઉપરાંત આ પોલીસ કર્મચારીઓ પૈકી જે જે પોલીસ કર્મચારીઓને કેસની બાતમી મળી હતી, તેઓને રૂા. 5,000થી રૂા. 10,000 સુધીના રોકડ ઇનામ પણ આપવામાં આવેલ હતા. અમદાવાદ શહેર ઝોન 6 ડીસીપી રવિ મોહન સૈની દ્વારા પોતાના ઝોનમાં સારી કામગીરી કરનાર પોલીસ અધિકારીઓ તથા પોલીસ કર્મચારીઓને પ્રોત્સાહિત કરી, સન્માનવામાં આવ્યા હતા અને તમામ પોલીસ અધિકારીઓ તથા સ્ટાફને સારી કામગીરી કરવા અનુરોધ કર્યો હતો. અમદાવાદ શહેરના પોલીસ કમિશનર જ્ઞાનેન્દ્ર સિંહ મલિક તથા સેક્ટર 2 એડી. પોલીસ કમિશનર જયપાલસિંહ રાઠોડ દ્વારા પણ ઝોન 6ના સન્માન કરવામાં આવેલ પોલીસ અધિકારીઓ તથા સ્ટાફને અભિનંદન આપવામાં આવ્યા હતા અને ભવિષ્યમાં પણ સારી કામગીરી કરવા જણાવવામાં આવેલ હતું.