રાજકોટ, બોટાદ, સુરેન્દ્રનગર, ભાવનગર, અમદાવાદ ગ્રામ્યમાંથી 27 બાઇકની ઉઠાંતરી

વિંછિયા પોલીસે આંતર જિલ્લા બાઇક ચોરી કરતી બેલડીને દબોચી લીધી

ચોરાઉ બાઇકના સ્પેર પાર્ટસ અલગ અલગ કરી વેંચી નાખતા : 4 લાખનો મુદ્દામાલ કબજે
ખાસ-ખબર ન્યૂઝ રાજકોટ

રાજકોટનાં વીંછીયામાં બાઈક ચોરીની સતત વધી રહેલી ફરિયાદોની ગંભીરતાને ધ્યાનમાં લઈને જિલ્લા પોલીસ વડા હિમકરસિંહ દ્વારા તાત્કાલિક કાર્યવાહી કરવા માટે આદેશો આપવામાં આવ્યા હતા. જેને લઈ પોલીસ દ્વારા વીંછીયા ટાઉન તથા નજીક રોડ સાઇડના અલગ-અલગ 15 જેટલી જગ્યાઓના ઈઈઝટ ફૂટેજ ચેક કરવામાં આવ્યા હતા. જેના આધારે એક શંકાસ્પદ શખસ મળતા હ્યુમન ઇન્ટેલિજન્સની મદદથી આ આરોપીની ઓળખ કરવામાં આવી હતી. ત્યારબાદ આરોપીને પકડવા વિવિધ પ્રયત્નો હાથ ધરવામાં આવ્યા હતા.આ દરમિયાન વિંછીયા પો.સ્ટે.ની થોરીયાળી ચેક પોસ્ટ પર વાહન ચેકિંગનુ આયોજન કરવામાં આવતા આરોપી તથા તેની પાછળ બેસેલ એક અન્ય શખસ પ્લાસ્ટીકની કોથળીમાં બાઇકનુ શંકાસ્પદ એન્જિન લઇને નીકળ્યા હતા. જેને લઈને તેની પાસેના બાઇકના રજીસ્ટ્રેશન નં. ૠઉં-04-ઇચ-6517 ને પોકેટ કોપ તથા તેઓના નામોને ઇ-ગુજકોપ”મા સર્ચ કરતા બંને શખસો મિલકત સંબંધિત ગુનાહિત ઇતિહાસ ધરાવતા જણાઇ આવ્યા હતા. જેથી, બંને શખસોને શંકાસ્પદ બાઇકના એન્જીન સાથે વીંછીયા પો.સ્ટે. લાવવામાં આવ્યા હતા.પોલીસ મથકમાં ટેક્નિકલ સોર્સ અને યુક્તિ-પ્રયુક્તિથી ઉંડાણપૂર્વક પૂછપરછ કરતા આ પૈકી એક શખસ હરેશ પ્રેમજીભાઇ મેટાળીયાએ અલગ-અલગ જીલ્લામાંથી 27 મોટર સાયકલ ચોરીઓ કર્યાનું કબૂલ્યું હતું. તેની સાથેના શખસ બાસીત એહમદભાઇ મારૂએ તે તમામ મોટર સાયકલ હરેશ પાસેથી મેળવી પોતાના ગેરેજે લાવી કટીંગ કરી અલગ-અલગ સ્પેર પાર્ટ્સમાં વિભાજીત કરી જરૂરિયાતમંદોને વેચાણ કરતા હોવાની કબૂલાત પણ આપી હતી બંને આરોપીઓની પૂછપરછમાં 27 બાઈક ચોરીના ભેદ ઉકેલાયા છે.
આરોપીઓની આધારે વીંછીયા પોલીસ મથકમાં નોંધાયેલા 3 ગુનાઓ ઉપરાંત બોટાદ પોલીસમાં નોંધાયેલા 6 ગુનાઓ તેમજ પાળીયાદ પોલીસના 3 ગુના અને રાણપુર પોલીસમાં નોંધાયેલા 2 ગુના, લીંબડીનાં પોલીસ મથકમાં નોંધાયેલા 2 ગુના, તેમજ બરવાળા, બાવળા, વલ્લભીપુર, ચુડા અને સાયલા પોલીસ મથક ખાતે નોંધાયેલા 1-1 ગુના મળીને કુલ 21 ગુનાનો ભેદ ઉકેલાયો છે. પોલીસે આરોપીઓ પાસેથી બાઈકના પાર્ટ્સ સહિત કુલ રૂ. 4,02,200નો મુદ્દામાલ કબ્જે લઈ બંને સામે કાયદેસરની કાર્યવાહી હાથ ધરી છે.

ચોરી કરવાની મોડસ ઓપરેન્ડી
હરેશ મેટાળીયા દિવસના સમયે રાજકોટ, બોટાદ, સુરેન્દ્રનગર, ભાવનગર, અમદાવાદ ગ્રામ્ય જીલ્લાના વિસ્તારોની વિવિધ જગ્યાઓ પર જઈ મોટર સાયકલની એક માસ્ટર ચાવી મારફતે જાહેરમાં પડેલ મોટર સાયકલના લોકનું અવલોકન કરી જુના બાઇકના લોક પોતાની પાસે રહેલ ચાવી દ્વારા ખોલી મોટર સાયકલ ચાલુ કરી ચોરી કરી લઇ જઇ બાસીત મારૂનાં ગેરેજમાં લાવતો હતો જ્યાં બંને મળીને મોટર સાયકલના સ્પેરપાર્ટ્સને અલગ કરી નાખતા હતા. બાદમાં જરૂરિયાતમંદોને વેચી આર્થિક લાભ મેળવતા હતા.

બંને આરોપી દસ ગુનામાં પોલીસ ચોપડે ચડી ચૂક્યા છે
પકડાયેલ બેલડીના ગુનાહિત ઇતિહાસ ઉપર એક નજર કરીએ તો હરેશ પ્રેમજીભાઇ મેટાળીયા સુરેન્દ્રનગર, ધંધુકા, બોટાદ અને ધોળા રેલ્વે પોલીસમાં ચોરીના આઠ ગુનામાં તેમજ બાસીત એહમદભાઇ મારૂ કડી અને સુરેન્દ્રનગર પોલીસમાં ચોરીના બે ગુનામાં પકડાઈ ચૂક્યો છે.