ચાલુ વર્ષમાં 21 વિદ્યાર્થીઓએ આત્મહત્યા કર્યાના બનાવ
ખાસ-ખબર સંવાદદાતા
રાજસ્થાનના કોટામાં ગુરુવારે એક વિદ્યાર્થીએ આત્મહત્યા કરી લીધી. છેલ્લા અઠવાડિયામાં કોટામાં વિદ્યાર્થીની આત્મહત્યાનો આ ત્રીજો કેસ છે. પોલીસે જણાવ્યું કે, મૃતકના મૃતદેહને પોસ્ટ મોર્ટમ માટે મોકલવામાં આવ્યો છે. ઉત્તર પ્રદેશના આઝમગઢનો રહેવાસી 17 વર્ષીય મનીષ પ્રજાપત છેલ્લા છ મહિનાથી કોટાની એક ખાનગી કોચિંગ સંસ્થામાં જોઈન્ટ એન્ટ્રન્સ એક્ઝામ (JEE)ની તૈયારી કરી રહ્યો હતો. પોલીસના જણાવ્યા અનુસાર ઘટનાસ્થળેથી કોઈ સુસાઈડ નોટ મળી નથી. હાલ પોલીસે આ મામલે વધુ તપાસ હાથ ધરી છે. આ વર્ષે કોટામાં વિદ્યાર્થીઓના આત્મહત્યાના 21 કેસ નોંધાયા છે.
