ગુજરાતમાં છેલ્લા 24 કલાકમાં 130 તાલુકાઓમાં જળબંબાકાર: જુઓ ક્યાં કેટલો વરસાદ વરસ્યો

ગુજરાતમાં મેઘરાજા મહેરબાન થયા છે. ભારે ઉકળાટ વચ્ચે ગઇકાલે રાજ્યના અનેક વિસ્તારોમાં ભારે વરસાદ પડ્યો હતો. વિગતો મુજબ ગુજરાતમાં છેલ્લા 24 કલાક દરમિયાન રાજ્યના 130 તાલુકામાં વરસાદ વરસ્યો હતો. જેમાં રાજ્યમાં સૌથી વધુ વરસાદ ભેંસાણમાં સવા 4 ઇંચ નોંધાયો છે. આ તરફ ભારે વરસાદને કારણે અનેક નીચાણવાળા વિસ્તારો પાણીમાં ગરકાવ થઈ ગયા છે.

24 કલાકમાં રાજ્યના 130 તાલુકામાં વરસાદ
રાજ્યમાં છેલ્લા 24 કલાક દરમિયાન 130 તાલુકામાં મેઘમહેર જોવા મળી છે. સૌથી વધુ ભેસાણમાં સવા 4 ઈંચ વરસાદ નોંધાયો છે. આ તરફ જેતપુરમાં પોણા 3 ઈંચ, ચોર્યાસીમાં પોણા 3 ઈંચ, ધોરાજીમાં સવા 2 ઈંચ, માણાવદરમાં સવા 2 ઈંચ, અંજારમાં સવા 2 ઈંચ, વડનગરમાં પોણા 2 ઈંચ, કાલાવડમાં પોણા 2 ઈંચ, વિસાવદરમાં પોણા 2 ઈંચ વરસાદ વરસ્યો છે.

આ સાથે કોટડાસાંગાણીમાં પોણા 2 ઈંચ, ખેડબ્રહ્મામાં પોણા 2 ઈંચ, જામકંડોરણામાં પોણા 2 ઈંચ, નેત્રંગમાં પોણા 2 ઈંચ, ખેરાલુમાં પોણા 2 ઈંચ, ગોંડલમાં પોણા 2 ઈંચ, ભુજમાં પોણા 2 ઈંચ, પાલિતાણામાં પોણા 2 ઈંચ, પોરબંદરમાં પોણા 2 ઈંચ, કપરાડામાં પોણા 2 ઈંચ વરસાદ પડ્યો છે.

તમામ જિલ્લામાં વરસાદની આગાહી
હવામાન વિભાગની આગાહી મુજબ આજે કચ્છ, દ્વરકા, મોરબીમાં વરસાદની સંભાવના છે. આ સાથે જામનગર, પોરબંદર, રાજકોટમાં વરસાદની આગાહી છે. આ તરફ ગીર સોમનાથ, ભાવનગર, અમરેલી, સુરેન્દ્રનગર, બોટાદ, અમદાવાદમાં વરસાદની આગાહી કરાઇ છે. આ સાથે ગાંધીનગર, પાટણ, મહેસાણામાં વરસાદની સંભાવના છે.

આ સાથે રાજ્યના સાબરકાંઠા, બનાસકાંઠા, ખેડામાં વરસાદની આગાહી કરવામાં આવી છે. આણંદ, ભરૂચ, વડોદરા, દાહોદ, પંચમહાલ, મહીસાગર, સુરત, તાપી, ડાંગ, વલસાડ, નવસારી, નર્મદા, છોટાઉદેપુર, અરવલ્લીમાં પણ વરસાદની આગાહી કરવામાં આવી છે. જેને લઈ આજે વહેલી સવારથી મેઘરાજાની સવારી નીકળી છે.