ગિરનાર વિજેતા સ્પર્ધકોને રોકડ પુરસ્કાર પ્રમાણપત્ર અને ટ્રોફી અપાઈ
ખાસ-ખબર સંવાદદાતા
જૂનાગઢ 37 મી અખિલ ગુજરાત ગિરનાર આરોહણ અવરોહણ સ્પર્ધા જોમ અને જુસ્સા સાથે રાજયના સૈાથી ઉંચા પર્વત ગિરનારને સર કરવા 1227 સ્પર્ધકોએ દોટ મુકી હતી. જેમાં સીનીયર ભાઈઓમાં 481, જુનીયર ભાઈઓ 417, સીનીયર બહેનો 157, જુનીયર બહેનો 172 ભાગ લીધો હતો.આ સ્પર્ધામાં સીનીયર બહેનોમાં 41.36 મીનીટના સમય સાથે ગિરસોમનાથ ના વાળા પારૂલે મેદાન માર્યું હતુ. સીનીયર ભાઈઓમાં જૂનાગઢના વિધાર્થી પરમાર લાલાભાઈએ 58.4 મીનીટના સમય સાથે ગિરનાર સર કર્યો હતો. જુનીયર બહેનોમાં 40.31 મીનીટના સમય સાથે જૂનાગઢનીવિધાર્થીની કાથુરિયા રોઝીના એ પ્રથમ સ્થાન હાંસલ કર્યું હતુ. જયારે જુનીયર ભાઈઓમાં ગીરસોમનાથના ડાભી યોગેશે 58.4 મીનીટના સમય સાથે પ્રથમ સ્થાને વિજેતા થયો હતો.જયારે સીનીયર બહેનોમાં બીજા ક્રમે વાજા જાગૃતી એ 43.41 મીનીટ સાથે,ત્રીજા ક્રમે વંશ ઝરણા 43.42 મીનીટમાં, સીનીયર ભાઈઓમાં બીજા ક્રમે ભીલાલા મોહને 1.2.2 મીનીટ સાથે, ત્રીજા ક્રમે ચૈાહાણ શૈલેષકુમાર, જુનીયર બહેનોમાં બીજા ક્રમે રોઠોડ હીરલ 44.29, ત્રીજા ક્રમે પરમાર અસ્મીતા 44.5, જુનીયર ભાઈઓમાં બીજા ક્રમે ગાવડિયા અભિષેકે 1.1.54 મીનીટ સાથે, ત્રીજા ક્રમે ભાટીયા રવી એ 1.4.12 મીનીટ સાથે ગિરનાર સર કર્યો હતો.
વિજેતા સ્પર્ધકોને રોકડ રકમ,પ્રમાણપત્ર અને ટ્રોફી એનાયત કરાયા હતા. મંગલનાથ આશ્રમ ભવનાથ ખાતે યોજાયેલ ઈનામ વિતરણ સમારોહમાં મેયર ગીતાબેન પરમાર,ધારાસભ્ય સંજયભાઈ કોરડિયા,સ્ટેન્ડીંગ કમીટીના ચેરમેનશ્રી હરેશભાઈ પરસાણા, ડેપ્યુટી મેયર ગીરીશભાઈ કોટેચા ,કોર્પોરેટર આરતીબેન જોશી, કોર્પોરેટર શીલ્પાબેન જોશી, પૂર્વ મેયર આધ્યાશક્તિ બેન મજમુદાર, અગ્રણી મોહનભાઈ પરમાર સહિતના પદાધિકારીઓ – અધિકારીઓના હસ્તે રોકડ પુરસ્કાર પ્રમાણપત્ર અને ટ્રોફી આપવામાં આવ્યા હતા.