દેશની સામાન્ય જનતાને મોંઘવારીમાં પડતા માથે પાટુ જેવી સ્થિતિ આવી રહી છે. ત્યારે હવે જનતાને વધુ એક મોટો ઝટકો લાગ્યો છે. દેશમાં ગેસ કંપનીઓએ ઘરેલૂ રસોઈ ગેસ સિલેન્ડરના ભાવમાં વધારો કર્યો છે. ઈંડિયન ઓયલની વેબસાઈટ પર મળેલી જાણકારી અનુસાર, 14.2 કિલોના ઘરેલૂ રસોઈ ગેસ સિલેન્ડરની કિંમતોમાં 50 રૂપિયાનો વધારો કરવામાં આવ્યો છે. જે બાદ તેની કિંમત હવે 1003 રૂપિયાથી વધીને 1053 રૂપિયા થઈ ગઈ છે.
આ ઉપરાંત 5 કિલોવાળા ઘરેલૂ સિલેન્ડરના ભાવમાં પણ 18 રૂપિયાનો વધારો કરવામાં આવ્યો છે. જ્યારે 19 કિલોવાળા કોમર્શિયલ સિલેન્ડરના ભાવમાં 8.50 રૂપિયા ઘટી ગયા છે.
- Advertisement -
14.2 કિલોવાળા ઘરેલૂ ગેસ સિલેન્ડરના નવા ભાવ 6 જૂલાઈથી લાગૂ થઈ ગયા છે. એટલે કે, આજે આપ ગેસ સિલેન્ડર બુક કરાવશો તો, હવે આપને 1003ની જગ્યાએ 1053 રૂપિયા આપવા પડશે.
6 ઓક્ટોબરથી 21 માર્ચ સુધી સ્થિર હતા LPGના ભાવ
ઈંડિયન ઓયલમાંથી મળેલી જાણકારી અનુસાર, 6 ઓક્ટોબરથી લઈને 21 માર્ચ 2022 સુધી ઘરેલૂ એલપીજી સિલેન્ડરના ભાવ સ્થિર રહ્યા હતા.
- Advertisement -
Domestic 14.2 kg LPG cylinder's prices increased by Rs 50/cylinder with effect from today. Domestic LPG cylinder will now cost Rs 1053 in Delhi. 5kg domestic cylinder price increase by Rs 18/cylinder. 19kg commercial cylinder prices decreased by Rs 8.50.
— ANI (@ANI) July 6, 2022
જોત જોતામાં 899.50 રૂપિયાથી વધીને 1053 રૂપિયા થઈ ગયા
બાદમાં 22 માર્ચ 2022ના રોજ ગેસની કિંમતોમાં 50 રૂપિયાનો વધારો થયો અને તેના ભાવ 899.50 રૂપિયાથી વધીને 949.50 રૂપિયા થઈ ગયા. પણ મોંઘવારી અહીંથી અટકી નથી, 7 મે 2022ના રોજ ગેસની કિંમતમાં ફરી એક વાર 50 રૂપિયાનો વધારો આવ્યો છે. તે બાદ તેની કિંમત 949.50થી વધીને 999.50 રૂપિયા થયા હતા.
મે 2022માં બે વાર વધ્યા હતા ઘરેલૂ એલપીજીના ભાવ
7મેના આ વધારાથા થોડા દિવસ બાદ એટલે કે 19મેના રોજ ફરી એક વાર ગેસના ભાવ વધ્યા છે. જો કે, આ વખતે એક સિલેન્ડર પર 3.50 રૂપિયાનો વધારો થયો અને તેના ભાવ 999.50 રૂપિયાથી વધીને 1003 રૂપિયા થઈ ગયા હતા, જ્યારે હવે આજે એટલે કે, 6 જૂલાઈએ ફરી 14.2 કિલોવાળા ઘરેલૂ ગેસ સિલેન્ડરની કિંમતમાં 50 રૂપિયાનો વધારો થયો છે અને તેના ભાવ હવે 1053 થઈ ગયા છે.
