ઊના શહેરમાં તિરંગા યાત્રા યોજાઈ

ભારતીય સેનાએ ’ઓપરેશન સિંદૂર’ના પ્રહારથી દુશ્મનોને ધૂળ ચટાવી હતી સેનાના આ કાર્યના સન્માન માટે ઉના ચેમ્બર ઓફ કોમર્સ તેમજ ઉનાના ધારાસભ્ય કે.સી.રાઠોડ ના સહયોગથી ઉના ખાતે ભવ્ય તિરંગા યાત્રા યોજાઈ હતી. આ તિરંગા યાત્રા ઉના નગરપાલીકા ભવન થી લઈ ત્રિકોણ બાગ, ટાવર ચોક, મેઈન બજાર, વડલા ચોક, બસ સ્ટેન્ડ તેમજ ધારાસભ્યના કાર્યાલયે પુર્ણ થઈ હતી. આ તિરંગા યાત્રામાં ભાજપના કાર્યકરો, ચેમ્બર ઓફ કોમર્સના સભ્યો, ઉના પાલીકાના પ્રમુખ પરેશભાઈ બાંભણીયા, સંગઠનના હોદેદારો, દરેક ગામના સરપંચો, શહેરના વેપારીઓ વિશાળ સંખ્યામાં ઉપસ્થિત રહ્યા હતા.