શું 5 વર્ષથી નીચેની વયના બાળકોને મળશે કોરોના વેક્સિન ?

Pfizer અને BioNTechએ ઇમરજન્સી ઉપયોગની કરી ડિમાન્ડ :

BioNTech MD, CEO અને સહ-સ્થાપક ઉગુર સાહિને જણાવ્યું કે, ‘જો 6 મહિનાથી વધુ ઉંમરના બાળકો માટે રસીકરણની મંજૂરી આપવામાં આવે તો અમે 6 મહિનાથી 4 વર્ષની વયના બાળકોને કોવિડ -19 વિરુદ્ધ સુરક્ષિત બનાવવા માટે ઉત્સાહિત છીએ.’

કોરોનાના દુનિયાભરમાં વધતા જતા સંક્ર્મણ વચ્ચે ફાર્માસ્યુટિકલ કંપનીઓ ફાઈઝર અને બાયોએનટેકે 6 મહિનાથી 5 વર્ષની વયના બાળકો માટે તેમની કોરોના વેક્સિનના ઈમરજન્સી ઉપયોગ માટે માંગ કરી છે. ગઈકાલે બંને ફાર્માસ્યુટિકલ કંપનીઓએ જણાવ્યું હતું કે, ‘ફાઇઝર ઇન્ક. અને બાયોએનટેકે જાહેરાત કરી હતી કે, યુએસ ફૂડ એન્ડ ડ્રગ એડમિનિસ્ટ્રેશનની વિનંતીને પગલે કંપનીઓએ Pfizer અને BioNTech દ્વારા કોરોના વિરુદ્ધ રસીના ઇમરજન્સી યુઝ ઓથોરાઇઝેશનમાં ફેરફાર કરવા માટે રોલિંગ સબમિશન શરૂ કરી દીધું છે.’

Pfizer અને BioNTech એ જણાવ્યું કે, ‘આ વસ્તીમાં જાહેર આરોગ્યની તાકીદની જરૂરિયાત મુજબ જો 6 મહિનાથી 5 વર્ષ સુધીના વયના બાળકોને રસી આપવાની મંજૂરી આપવામાં આવે તો Pfizer અને BioNTech રસી 5 વર્ષથી ઓછી ઉંમરના બાળકો માટે ઉપલબ્ધ સૌપ્રથમ કોરોના વિરુદ્ધ રસી હશે. Pfizer અને BioNTech જણાવ્યું કે, તેઓ આગામી દિવસોમાં EUA સબમિશન પૂર્ણ કરવાની અપેક્ષા રાખે છે.’

કોરોનાના વધતા સંક્ર્મણને કારણે બાળકોની હોસ્પિટલમાં દાખલ થવાની સંખ્યામાં વધારો:

Pfizer ના પ્રમુખ અને CEO આલ્બર્ટ બૌરલાએ જણાવ્યું કે, ‘કોરોનાથી 5 વર્ષથી ઓછી ઉંમરના બાળકો માટે હોસ્પિટલમાં દાખલ થવાની સંખ્યામાં વધારો કર્યો છે. એફડીએ સાથે અમારું પરસ્પર ધ્યેય ભવિષ્યના વિવિધ વેરિઅન્ટ માટે રસી વિકસાવવાનું અને બાળકોને વાયરસથી બચાવવા માટે તેમના માતાપિતા માટે વિકલ્પ પૂરો પાડવાનો છે.’

તેમણે આગળ કહ્યું કે, ‘અમારું માનવું છે કે કોરોનાના વર્તમાન અને સંભવિત ભવિષ્યના વેરિએન્ટ સામે લડવા માટે 6 મહિનાથી 4 વર્ષની વયના બાળકો માટે રસીના 3 ડોઝની જરૂર પડશે. જો રસીના 2 ડોઝની મંજૂરી આપવામાં આવે તો રાશિના 3 જા ડોઝની રસીકરણ શરૂ કરવાની તક મળશે.’