‘પુષ્પા: ધ રાઇઝ’ અને ‘પુષ્પા 2: ધ રૂલ’ ના નિર્માતા રવિ શંકરે ‘પુષ્પા 3’ પર એક મોટું અપડેટ આપ્યું છે. તેમણે જણાવ્યું કે આ ક્ષણે અલ્લુ અર્જુન અને સુકુમાર અન્ય પ્રોજેક્ટ્સમાં વ્યસ્ત છે.
અલ્લુ અર્જુનની ‘પુષ્પા 3’ સાથે સંબંધિત અપડેટ આવ્યું છે. ‘પુષ્પા 2’ ની સક્સેસ બાદ હવે મેકર્સ ‘પુષ્પા 3’ ની તૈયારીમાં લાગી ગયા છે. ‘રોબિનહૂડ’ ના પ્રમોશનલ ઇવેન્ટ દરમિયાન ‘પુષ્પા’ ના પ્રોડ્યુસર રવિશંકરે ‘પુષ્પા 3’ ની રીલીઝ ડેટની જાહેરાત કરી છે. તો ચાલો જાણીએ કે ‘પુષ્પા’ કે ત્રીજો પાર્ટ દુનિયાભરના થિયેટરોમાં ક્યારે આવશે.
- Advertisement -
ફિલ્મનું બોક્સ ઓફિસ કલેક્શન
‘પુષ્પા ધ રાઇઝ’ એ ભારતીય બોક્સ ઓફિસથી 267.55 કરોડ રૂપિયાનું નેટ કલેક્શન કર્યું હતું. ત્યારે વર્લ્ડ વાઈડ બોક્સ ઓફિસથી ફિલ્મે 350.1 કરોડ રૂપિયાની કમાણી કરી હતી. ‘પુષ્પા 2: ધ રૂલ’ ની વાત કરીએ તો આ ફિલ્મે ભારતીય બોક્સ ઓફિસથી 1234.1 કરોડ રૂપિયા અને વર્લ્ડ વાઈડ બોક્સ ઓફિસથી 1742.1 કરોડ રૂપિયાનો વ્યવસાય કર્યો હતો.
‘પુષ્પા 3’ ક્યારે રિલીઝ થશે?
- Advertisement -
પ્રેસ કોન્ફરન્સ દરમિયાન, ફિલ્મ નિર્માતા રવિશંકરે ખુલાસો કર્યો કે અલ્લુ અર્જુન પાસે હાલમાં બે ફિલ્મો છે – પહેલી ફિલ્મનું દિગ્દર્શન એટલી દ્વારા કરવામાં આવી રહ્યું છે અને બીજી ફિલ્મ ત્રિવિક્રમ ડાયરેક્ટ કરી રહ્યા છે. આ દરમિયાન, ‘પુષ્પા’ ના દિગ્દર્શક સુકુમાર રામ ચરણની આગામી ફિલ્મનું ડાયરેક્ટ કરી રહ્યા છે. આવી સ્થિતિમાં, જ્યારે સુકુમાર અને અલ્લુ અર્જુન બંને ફ્રી થઈ જશે, ત્યારે ‘પુષ્પા 3’ પર કામ શરૂ કરવામાં આવશે. આ ફિલ્મ 2028 માં રિલીઝ થઈ શકે છે.
‘પુષ્પા 3’માં બોલિવૂડ અભિનેતાની એન્ટ્રી
ફિલ્મના સંવાદ લેખક શ્રીકાંત વિસાએ તાજેતરના એક ઇન્ટરવ્યૂમાં જણાવ્યું હતું કે ‘પુષ્પા 3’માં બોલિવૂડના એક મોટા સ્ટારને વિલન તરીકે લાવવાના પ્રયાસો કરવામાં આવી રહ્યા છે.
