જે હત્યા કરે છે તે કેવા દેખાય છે?: મર્ડર મુબારકનું સસ્પેન્સવાળું ટ્રેલર રીલીઝ

પંકજ ત્રિપાઠી, કરિશ્મા કપૂર અને સારા અલી ખાન સહિત અનેક ધમાકેદાર સ્ટાર્સવાળી ફિલ્મ ‘મર્ડર મુબારક’ નું ટીઝર રિલીઝ થઈ ગયું છે. આ સાથે જ તેમણે ફિલ્મ રિલીઝની તારીખ પણ જાહેર કરી દીધી છે.

કરિશ્મા કપૂર ફરી એકવાર પોતાની એક્ટિંગ સ્કીલ્સને લઈને OTT પ્લેટફોર્મ પર આવી રહી છે. આજે નેટફ્લિક્સ ઈન્ડિયાએ ટીઝરની સાથે-સાથે મર્ડર મુબારકની ડેટ એનાઉંસ કરી દીધી છે. સારા અલી ખાન, કરિશ્મા કપૂર, પંકજ ત્રિપાઠી, સંજય કપૂર, ટિસ્કા ચોપડા, વિજય વર્મા અને સુહૈલ નૈય્યર સ્ટારર આ ફિલ્મનું ડાયરેક્શન હોમી અદજાનિયાએ કર્યું છે. જુઓ મર્ડર મુબારક ફિલ્મનું ટીઝર:

શું છે સ્ટોરી?
મર્ડર મુબારકનું આજે ટીઝર રિલીઝ થયું છે. ટીઝરમાં જોઈ શકાય છે કે પંકજ ત્રિપાઠી પોલીસ ડિટેક્ટિવનાં રોલમાં છે જે એક મર્ડરની તપાસ કરી રહ્યાં છે. તેમની નજર 7 શંકાસ્પદ લોકો પર છે- સારા અલી ખાન જે દિલ્હીની રાજુકમારી છે, વિજય વર્મા જે ચાંદની ચૌકનો એક ડેડલી લવર છે, કરિશ્મા કપૂર જે સસ્પેંસ ફિલ્મોની ડ્રીમ ગર્લ છે જ્યારે ડિંપલ કપાડિયા, સંજય કપૂર અને ટિસ્કા ચોપડા પોતાના અલગ અંદાજમાં છે.

ટીઝરમાં પંકજ ત્રિપાઠી કહે છે કે,” જે મર્ડર કરે છે તે કેવા દેખાય છે? જેમ સાઉથ દિલ્હીની શેહઝાદી, કે ચાંદની ચૌકનો આશિક, સસ્પેંસ ફિલ્મોની જૂની ડ્રીમ ગર્લ કે કોઈ રંગીલી આર્ટિસ્ટ જેના રગ-રગમાં શાહી લોહી ભરેલું છે..”

ક્યારે રિલીઝ થશે ફિલ્મ?
મર્ડર મુબારકે આ ટીઝરની સાથે-સાથે ફિલ્મની રિલીઝ ડેટ પણ એનાઉંસ કરી દીધી છે. આ ફિલ્મ નેટફ્લિક્સ ઈન્ડિયા પર 15 માર્ચનાં રોજ રિલીઝ થશે. આ એક હોરર કોમેડી અને થ્રિલર ફિલ્મ છે. તેનું ડાયરેક્શન હોમી અદજાનિયાએ કર્યું છે અને દિનેશ વિઝાન પ્રોડ્યૂસર છે. આ ફિલ્મ પહેલાં હોમી અદઝાનિયાએ સાંસ, બહૂ ઔર ફ્લેમિંગો ફિલ્મનું ડાયરેક્શન કર્યું હતું. જેને લોકોએ ઘણી પસંદ કરી હતી. આ સિવાય તેમણે કોકટેલ અને ફાઈંડિંગ ફૈની જેવી ફિલ્મોનું પણ ડાયરેક્શન કર્યું છે.

ફિલ્મની પહેલી ઝલકે દર્શકોમાં એક્સાઈટમેંટ વધારી દીધી છે. લોકો આ ટીઝરને ખૂબ પસંદ કરી રહ્યાં હોય તેવું લાગી રહ્યું છે કારણકે ઘણાં બધાં લોકોએ સોશિયલ મીડિયા પર આ ટીઝર અંગે ચર્ચા શરૂ કરી દીધી છે.