વિમલના થેલાની કિંમત 45000!

‘નો ગુચી, નો પ્રાડા, નો એલવી, ઓન્લી વિમલ..’ શીર્ષકથી વાયરલ થયેલા વીડિયો બાદ વિમલના થેલા વિદેશમાં પ્રખ્યાત થયા

ભારતમાં 50-100રૂ.માં મળતા વિમલના થેલા વિદેશમાં 50-100 ડોલરમાં વેંચાય છે, પ્રાડાએ તેની હેન્ડબેગ ડિઝાઇન કરી પ્રાઈઝ 45000 રાખી

ખાસ-ખબર ન્યૂઝ નવી દિલ્હી

ભારતમાં અને ખાસ કરીને ગુજરાતમાં જે લોકો વિમલ પાનમસાલા ખાતા નથી તેમની પાસે પણ વિમલ પાનમસાલાનો થેલો જોવા મળે છે. આપણે ત્યા વિમલ પ્રત્યેના ક્રેઝ કેટલો છે તે બધા જાણે છે. વિમલ પ્રત્યેનો ક્રેઝ સોશિયલ મીડિયા પર પણ દરરોજ જોવા મળે છે. કેટલાક વિમલને મિક્સ કરીને શિકંજી બનાવવાનો વીડિયો પોસ્ટ કરે છે, તો કેટલાક વિમલમાંથી બનેલી ચાનો વીડિયો પોસ્ટ કરે છે. ઘણા લોકો વિમલની જાહેરખબરનો ડાયલોગ ’બોલે ઝૂબા કેસરી..’ પર રિલ્સ બનાવતા હોય છે. વિમલનો ચાહક વર્ગ ફક્ત ભારત જ નહીં પરંતુ વિદેશમાં પણ પહોંચી ગયો છે. હા! હવે વિદેશીઓ પણ વિમલ પ્રત્યે દિવાના છે. પ્રાડા તો વિમલના 50થી 100 રૂપિયામાં મળતા થેલા જેવી હેન્ડ બેગ 45000 રૂપિયામાં વહેંચી રહ્યું છે!સોશિયલ મીડિયા પર થોડા મહિનાઓ અગાઉ એક વીડિયો વાયરલ થતો હતો જેમાં બે વિદેશી છોકરીઓ વિમલની બેગ લઈને રસ્તાઓ પર ફરતી જોવા મળી હતી. લોકો ગુચી, પ્રાડા, લુઇસ વીટન જેવી બ્રાન્ડ્સની હેન્ડબેગ તરફ આકર્ષાય છે, ત્યારે આ વિદેશી છોકરીઓ વિમલના દેશી થેલા માટે દિવાની જોવા મળી હતી. આ વાયરલ વીડિયોમાં વિદેશી મહિલાઓ વિમલના થેલાને હેન્ડબેગની જેમ લટકાવેલી જોઈ શકાય છે. આ થેલા સાથે તેઓ એવી રીતે ફરે છે જાણે તેઓ વિશ્વની સૌથી મોંઘી હેન્ડ બેગ લઈ રહી હોય. આ વીડિયો થોડી જ વારમાં સોશિયલ મીડિયા પર વાયરલ થઈ ગયો હતો અને કરોડો લોકોએ તે જોઈ લાખો કોમેન્ટ્સ કરી હતી. “નો ગુચી, નો પ્રાડા, નો એલવી, ઓન્લી વિમલ..” શીર્ષકથી વાયરલ થયેલા આ વીડિયો બાદ પ્રાડાએ વિમલના થેલાની હેન્ડ બેગ લોન્ચ કરી છે જેની કિંમત 45000 રૂપિયા રાખવામાં આવી છે. એટલું જ નહીં વિમલના સાદા થેલાઓ જેની ભારતમાં કિંમત 50થી 100 રૂપિયા છે તે થેલાઓ પણ વિદેશમાં 50થી 100 ડોલરમાં વેંચાઈ રહ્યા હોવાની ખબર સોશિયલ મીડિયા પર વાયરલ થઈ છે. આ વિશે એવું કહી શકાય કે, જે પ્રકારે વિમલ પાનમસાલાનું સેવન સ્વાસ્થ્ય માટે જોખમી છે તે પ્રકારે તેનો ખાસ બની ગયેલો થેલો આર્થિક રીતે જોખમી છે.

Balenciagaએ લોન્ચ કરેલી Lays ચિપ્સના પેકેટ જેવી દેખાતી બેગની કિંમત રૂ.1.5 લાખ

લક્ઝરી ફેશન બ્રાન્ડ Balenciaga હંમેશા તેની અતરંગી અને અનોખી ડિઝાઇન માટે જાણીતી છે. થોડા વર્ષો પૂર્વે આ ફેશન હાઉસે ’લેઝ’ (કફુત) પોટેટો ચિપ્સના પેકેટ જેવી દેખાતી હેન્ડબેગ લોન્ચ કરીને સોશિયલ મીડિયા પર ચર્ચા જગાવી હતી. આ એક હેન્ડ બેગની કિંમત આશરે 1,500 છે, જે ભારતીય રૂપિયામાં લગભગ ₹1.5 લાખ જેટલી થાય છે. આ બેગ જોવામાં બિલકુલ લેઝ ચિપ્સના અસલી પેકેટ જેવી જ લાગે છે. તેમાં ક્લાસિક સોલ્ટેડ (વાદળી) અને ફ્લેમિંગ હોટ (પીળી/લાલ) જેવી અલગ-અલગ ફ્લેવર્સના પેકેટની ડિઝાઇન ઉપલબ્ધ છે. જોકે તે પ્લાસ્ટિકના પેકેટ જેવી લાગે છે, પરંતુ હકીકતમાં તે ઉચ્ચ ગુણવત્તાવાળા લેધર ચામડામાંથી બનાવવામાં આવી છે. આ બેગ સૌપ્રથમ બાલિન્સીઆગાના ’સ્પ્રિંગ સમર 2023’ ફેશન શો દરમિયાન રેમ્પ પર મોડલ્સના હાથમાં જોવા મળી હતી. એ સમયે લોકો સોશિયલ મીડિયા પર આની મજાક પણ ઉડાવી રહ્યા હતા કે આટલા રૂપિયામાં તો લેઝના હજારો અસલી પેકેટો ખરીદી શકાય, જ્યારે આ મોંઘી બેગમાં તો ખાવા માટે ચિપ્સ પણ નથી મળતી!