ભારત વિકસિત ભારત સંકલ્પ યાત્રાને વાડલાના ગ્રામજનોનો આવકાર

ખાસ-ખબર સંવાદદાતા
જૂનાગઢ વંથલીના વાડલા ગામે ભારત વિકસિત ભારત સંકલ્પ યાત્રાના રથનું ગ્રામજનોએ ઉત્સાહભેર સ્વાગત કર્યું હતું. આ સાથે ગ્રામજનોને કેન્દ્ર રાજ્ય સરકારની વિવિધ જન કલ્યાણકારી યોજનાઓની જાણકારી આપવાની સાથે તેના લાભોનું પણ વિતરણ કરવામાં આવ્યું હતું. ઉપરાંત ગ્રામજનોએ પ્રાથમિક હેલ્થ ચેકઅપનો પણ લાભ લીધો હતો. ભારત દેશ વિકાસશીલ રાષ્ટ્રમાંથી વિકસિત રાષ્ટ્ર બનવા તરફ આગળ વધી રહ્યું છે. ત્યારે યુવાનો સમય શક્તિને વેડફે નહીં અને પોતાના કુટુંબ, ગામ અને દેશના વિકાસ માટે પ્રતિબદ્ધ બને. નાના મોટા મતભેદોને બાજુ પર મૂકીને ગામના દેશના વિકાસ માટે પ્રવૃત્તિ બનીએ. તેમ તાલુકા વિકાસ અધિકારીએ
જણાવ્યું હતું.