UPI ડાઉન: GPay, Paytm અને અન્ય UPI એપ વપરાશકર્તાઓ મુશ્કેલીમાં મુકાયા

UPI ડાઉન: SBI, GPay, Paytm અને અન્ય UPI એપ વપરાશકર્તાઓ ચુકવણી સમસ્યાઓનો સામનો કરી રહ્યા છે

ભારતના દિલ્હી-એનસીઆર સહિત ઘણા શહેરોમાં આજે બપોરે યુનિફાઇડ પેમેન્ટ્સ ઇન્ટરફેસ (યુપીઆઈ) સેવાઓ અચાનક બંધ થઈ જતાં લોકો હેરાન પરેશાન થઇ ગયા હતા. આ સમય દરમિયાન ઘણા લોકો UPI દ્વારા ચુકવણી કરી શક્યા નહોતા. ડાઉનડિટેક્ટર નામની એક વેબસાઇટે આ આઉટેજને ટ્રેક ક્યો હતો અને પછી તેના વિશે જાણકારી આપી હતી.

કઈ કઈ એપના યુઝર્સને તકલીફ પડી? 

માહિતી અનુસાર યુપીઆઈ સિસ્ટમ ઠપ થવાને કારણે Paytm, PhonePe અને Google Payના યુઝર્સને સૌથી વધુ તકલીફ પડી હતી અને તેઓ UPI પેમેન્ટ કરી શક્યા નહોતા. ડાઉનડિટેક્ટર પર યુપીઆઈની સમસ્યા વિશે લોકોએ શનિવારે 12 વાગ્યાથી જ ફરિયાદો કરવાની શરૂઆત કરી હતી.

પેમેન્ટમાં શું સમસ્યા પડી? 

આ દરમિયાન યુપીઆઈ ક્યૂઆર કોડ સ્કેન કર્યા બાદ પેમેન્ટની પ્રોસેસિંગનો મેસેજ આવતો હતો પણ 5 મિનિટ બાદ પણ પેમેન્ટ કમ્પલીટ થતું નહોતું. જોકે હજુ સુધી આ આઉટેજની સમસ્યા કયા કયા રાજ્યોમાં અને કયા કયા શહેરોમાં થઇ રહી છે તેના વિશે કોઈ ચોક્કસ માહિતી સામે આવી નથી.