ઉના: પત્રકારની ઓળખ આપી દારૂની હેરાફેરી કરતા બે ઝડપાયાં

દારૂના જથ્થા સાથે યુવક યુવતીને ઝડપી લીધા
ખાસ-ખબર સંવાદદાતા
ઉના ના એહમદપુર માંડવી ચેક પોસ્ટે દિવથી આવતી ઇકો કારને પોલીસે રોકાવી અંદર તલાસી લેતા કારની અંદર તપેલામાં નાસ્તો બટેટા પૈવામાં વચ્ચે વિદેશી દારૂની બોટલો તેમજ બેગમાં બોટલોનો જથ્થો, એસ એસ ન્યુઝ ચેનલનું બુમ, મોબાઇલ, તેમજ કાર સહીત પત્રકાર યુવતી તેમજ શખ્સને પોલીસે મુદામાલ સાથે પકડી પાડી ધોરણસરની કાર્યવાહી હાથ ધરેલ છે. અહેમદપુર માંડવી ચેક પોસ્ટ પાસે કાર નં.જી.જે. બીએ 2798માં નાસ્તાના ભરેલા તપેલાની અંદર દારૂનો જથ્થો છુપાવીને પત્રકાર હોવાનો રોફ જમાવતી એક યુવક-યુવતીને વિદેશી દારૂની નં.67 બોટલો તેમજ કાર સહિતના દોઢ લાખથી વધુનો મુદામાલ સાથે ઝડપી લીધા હતા. મકરસંક્રાંતિ તહેવાર નામે બાળકોને નિયમિત નાસ્તો પતંગ, દોરા, દાન, કરવા નિકળેલા બની બેઠેલાં પત્રકાર કાજલ વિનુ બારૈયા તથા જગદીશ વાઘજી મકવાણા દિવ વિસ્તાર માંથી બાળકો માટે નાસ્તાનાં તપેલા ભરી તેનાં વચ્ચે ઈંગ્લીશ દારૂનો જથ્થો જુદી જુદી બોટલ સંતાડીને નિકળતાં એહમપુર માંડવી ચેક પોસ્ટે પોલીસ કાર રોકાવી કારની તપાસ કરતા પોતે પત્રકાર હોવાનો રોફ જમાવ્યો હતો. અને તહેવાર નિમિત્તે દાન કરતા હોવાનો દેખાવ કર્યો હતો. પોલીસે નાસ્તાનાં તપેલામાં બટેટા પૈવા હોય તેમાં ચેક કરતા નિચે છુપાવેલા દારૂની બોટલો તથા ઈલેક્ટ્રોનિક એસ એસ 24 યુન્ઝ મીડિયાનું બુમનાં થેલામાં પણ દારૂની બોટલોનો જથ્થો સંતાડી તેમજ એસ એસ ન્યુઝ ચેનલનું બુમ, મોબાઇલ, તેમજ કાર સહીત પત્રકાર યુવતી હોય બન્ને યુવક-યુવતીને કાર સાથે ઉના પોલીસ સ્ટેશન લાવીને ઈંગ્લીશ દારૂ તેમજ કાર સાથે રૂ.1,85,300ના મુદામાલ કબ્જે કરી ગુન્હો નોંધી આગળની વધુ તપાસ હાથ ધરવામાં આવી છે.