કટનીમાં પિકઅપે બાઇકને કચડી નાખી; સિવનીમાં ટ્રકમાં મોટરસાઇકલ ઘૂસી ગઈ
ખાસ-ખબર ન્યૂઝ નવી દિલ્હી, તા.2
- Advertisement -
મધ્ય પ્રદેશમાં ગુરુવારે રાત્રે બે મોટા અકસ્માત થયા. પહેલો અકસ્માત કટનીના રીઠી પોલીસ સ્ટેશન વિસ્તારનો છે. અહીં એક પીકઅપ વાહને બાઇકને ટક્કર મારી દીધી. જેમાં એક જ પરિવારના ચાર લોકોના મોત થયા. બીજો અકસ્માત સિવનીના કુરઈમાં થયો. અહીં એક પુરપાટ ઝડપે બાઇક રસ્તા પર ઉભેલા ટ્રકમાં ઘૂસી ગઈ. જેમાં દંપતી અને તેમના બંને બાળકોના જીવ ગયા.
રીઠી પોલીસ સ્ટેશનના પ્રભારી મો. શાહિદના જણાવ્યા અનુસાર, અકસ્માત ગુરુવારે રાત્રે લગભગ 9 વાગ્યે હીરાપુર અને બડગાંવ વચ્ચે થયો હતો. દમોહથી આવી રહેલા ટામેટાં ભરેલા પીકઅપ વાહને બાઇક સવારોને ટક્કર મારી હતી. ટક્કર એટલી ભયાનક હતી કે બાઇક સવાર બે યુવકો અને અઢી વર્ષની બાળકીનું ઘટનાસ્થળે જ મોત થયું, જ્યારે ચોથા યુવકે રીઠી હોસ્પિટલમાં મૃત્યુ પામ્યો.
મૃતકોની ઓળખ અનુ બસોર (32), તેમની અઢી વર્ષની પુત્રી ભારતી બસોર, વિનોદ બસોર (30) અને પ્રેમલાલ બસોર (32) તરીકે થઈ છે. તમામ મૃતકો પન્ના જિલ્લાના બગવારના હતા અને કટની જિલ્લાના બરજી ગામથી પોતાના ઘરે પરત ફરી રહ્યા હતા. વિનોદ અનુનો સાળો થતો હતો. પ્રેમલાલ વિનોદનો સંબંધમાં જીજાજી થતો હતો. અકસ્માત બાદ ડ્રાઇવર પિકઅપ વાહન ઘટનાસ્થળે છોડીને ફરાર થઈ ગયો. માહિતી મળતા જ સલૈયા ચોકી પ્રભારી વિનોદ પાંડેય પોલીસ ટીમ સાથે ઘટનાસ્થળે પહોંચ્યા. ઘાયલ યુવકને તાત્કાલિક એમ્બ્યુલન્સ દ્વારા રીઠી સામુદાયિક સ્વાસ્થ્ય કેન્દ્ર મોકલવામાં આવ્યો હતો, પરંતુ તેનો જીવ પણ બચાવી શકાયો નહીં.
પોલીસે તમામ મૃતદેહોનો કબજો લઈ પોસ્ટમોર્ટમ માટે રીઠી સામુદાયિક આરોગ્ય કેન્દ્ર મોકલી આપ્યા છે. અકસ્માતમાં જીવ ગુમાવનારા તમામ લોકો મજૂરી કરીને પોતાનું ગુજરાન ચલાવતા હતા. પોલીસ ફરાર પીકઅપ ડ્રાઇવરની શોધખોળ કરી રહી છે. બીજો અકસ્માત સિવનીના કુરઈમાં થયો. સાંજે લગભગ 7.30 વાગ્યે જબલપુર-નાગપુર નેશનલ હાઈવે પર રિદ્દી ટેક પાસે એક બાઇક રસ્તા પર ઉભેલા ટ્રકમાં ઘૂસી ગઈ. આ અકસ્માતમાં ખવાસા ટોલા ગામના રહેવાસી પરમાનંદ બરકડે (45), તેમની પત્ની ગીતા બરકડે (38), આઠ વર્ષની પુત્રી માહી અને ચાર વર્ષના પુત્ર દીપાંશુનું મૃત્યુ થયું. તમામ બાઇક (ખઙ 22 ણઈ 2632) દ્વારા દરગઢા ગામમાં આવેલા પોતાના સાસરે નવવર્ષની ઉજવણી કરવા જઈ રહ્યા હતા. પોલીસે મૃતદેહોને પોસ્ટમોર્ટમ માટે હોસ્પિટલ મોકલ્યા છે.
બરઘાટના જઉઘઙ લલિત ગઠરેના જણાવ્યા અનુસાર, એન્જિન ખરાબ થવાને કારણે ટ્રક ફોરલેન કિનારે ઊભો રાખવામાં આવ્યો હતો. ટ્રક પર ઇન્ડિકેટર પણ લગાવવામાં આવ્યા હતા, પરંતુ અંધારા અને તેજ ગતિને કારણે બાઇક સવાર ટ્રકને જોઈ શક્યો નહીં. ટક્કર એટલી ભયાનક હતી કે ચારેયનું ઘટનાસ્થળે જ મોત નીપજ્યું.
ઘટનાની જાણ થતાં જ કુરાઈ પોલીસ ઘટનાસ્થળે પહોંચી અને મૃતદેહોને પોસ્ટમોર્ટમ માટે હોસ્પિટલ મોકલવામાં આવ્યા. શુક્રવારે સવારે બધાનું પીએમ કરવામાં આવશે.
