તાપસી પન્નૂની અપકમિંગ ફિલ્મ ‘શાબાશ મિટ્ઠુ’નું ટ્રેલર રિલીઝ થઈ ગયું છે. આ ફિલ્મમાં તાપસી પન્નૂ ભારતીય મહિલા ક્રિકેટર ટીમની પૂર્વ કેપ્ટન ‘મિતાલી રાજ’ની ભૂમિકા નિભાવતી જોવા મળશે. તાપસી એક ખુબ જ ટેલેન્ટેડ અભિનેત્રી છે. આ અગાઉ પણ તે અમિતાભ બચ્ચનથી લઈને અક્ષયકુમાર જેવા દિગ્ગજ કલાકારો સાથે કામ કરી ચૂકી છે. ત્યારે મિતાલીની ભૂમિકામાં તાપસીના અભિનયના અત્યારથી જ વખાણ થઈ રહ્યાં છે. સોશિયલ મીડિયામાં ખુબ ઝડપથી આ ટ્રેલર વાયરલ થઈ રહ્યું છે.
આ છે ફિલ્મની કહાની:
- Advertisement -
તાપસી પન્નૂ સ્ટારર આ ફિલ્મ ‘શાબાશ મિટ્ઠુ’ ભારતીય મહિલા ટેસ્ટ અને વનડે ટીમની કેપ્ટન મિતાલી રાજનાં જીવન પર આધારિત ફિલ્મ છે. જો આ ફિલ્મની વાત કરવામાં આવે તો, આ એક એવી છોકરીની કહાની છે જે જેન્ટલમેન ગેમમાં બેટની સાથે પોતાના સપના પૂરા કરે છે. ફિલ્મમાં એક્ટ્રેસ તાપસી પન્નૂ ભારતીય મહિલા ક્રિકેટર ટીમની પૂર્વ કેપ્ટન ‘મિતાલી રાજ’ની ભૂમિકા નિભાવતી જોવા મળશે. આ રોલને ન્યાય આપવા માટે તાપસીએ બરાબરની મહેનત કરી છે. આ ફિલ્મનું નિર્દેશન રાહુલ ઢોલકિયા કરી રહ્યા છે અને ફિલ્મના રાઈટર છે પ્રિયા અવન. ફિલ્મનું નિર્માણ વાયકૉમ 18 સ્ટૂડિયોમાં કરવામાં આવ્યું છે.
You know the name, now get ready to see the story behind what makes Mithali a legend.
Woman who redefined“The Gentleman’s game”
She created HERSTORY and I’m honoured to bring it to you#ShabaashMithu 15th JULY #ShabaashMithuTrailer #GirlWhoChangedTheGame https://t.co/kNhilpSbSf
— taapsee pannu (@taapsee) June 20, 2022
- Advertisement -
ફિલ્મની રિલીઝ ડેટ:
થોડા દિવસ પહેલા ભારતીય ક્રિકેટની સર્વશ્રેષ્ઠ મહિલા બેટર મિતાલી રાજેએ આંતરરાષ્ટ્રીય ક્રિકેટમાંથી સંન્યાસ લેવાનું એલાન કર્યુ હતુ. મિતાલી રાજેનાં આ એલાન પર તાપસી પન્નૂએ તેમને ધન્યવાદ આપ્યુ હતુ. તાપસીએ લખ્યુ હતુ કે, ‘ધન્યવાદ જ એક એવો શબ્દ છે જે આપણે દરેક કહી શકીએ છે. ક્રિકેટના રસિયાઓ માટે મહિલા ક્રિકેટને મેપ પર લાવવા માટે ધન્યવાદ!’ તમને જણાવી દઈએ કે, મિતાલી રાજનાં જીવન પર બનેલી આ ફિલ્મ આવતા મહિને 15 જુલાઈના રોજ રિલીઝ થશે.
