ગરમીથી લોકોને રાહત આપવા ટ્રાફિક સિગ્નલ પાસે ગ્રીન કાપડ લગાવીને મંડપ ઉભો કરાયો

રાજ્યના તમામ શહેરોમાં રેકોર્ડ બ્રેક ગરમી પડી રહી છે. આ ગરમીથી લોકોને બચાવવા માટે રાજકોટ,અમદાવાદ, વડોદરા અને સુરત શહેરમાં ટ્રાફીક સિગ્નલ પર ગ્રીન અથવા અન્ય કાપડનો મંડપ ઉભો કરીને લોકોને રાહત આપવાનો પ્રયાસ હાથ ધરવામાં આવી ચુક્યો છે. ત્યારે લોકોને ગરમીથી બચાવવા માટે રાજકોટ શહેરમાં જિલ્લા પંચાયત, ગ્રીનલેન્ડ ચોકડી સહિતના ટ્રાફિક સીગનલો પર મંડપ ઉભો કરવામાં આવ્યો છે.અનેક ચાર રસ્તા પર ટ્રાફીક સિગ્નલ પાસે ગ્રીન કાપડ લગાવીને મંડપ ઉભો કરવામાં આવ્યો છે. જેને લઇને ટ્રાફીક સિગ્નલ પર ઉભા રહેતા વાહન ચાલકોને સીધા સુર્યપ્રકાશથી રાહત મળશે.