ધી વે ઓફ વોટર: અવતાર એ 12 કરોડ કમાઈ લીધા, ભારતમાં આ ફિલ્મની આટલી ટિકીટ વેચાઈ

– બોલીવુડવાળાઓએ પોતાની ફિલ્મોની રિલીઝ પાછી ખેંચી

વર્ષ 2009માં આવેલી જેમ્સ કેમરોનની ફિલ્મ અવતાર એ ત્યારે કમાણીના રેકોર્ડ તોડી નાખ્યા હતા. આટલા વર્ષો બાદ આ ફિલ્મની સિકવલ અવતાર: ધી વે ઓફ વોટર આવતા સપ્તાહે રિલીઝ થઈ રહી છે ત્યારે દુનિયા સહિત ભારતમાં પણ આ ફિલ્મને લઈને જબરદસ્ત ક્રેઝ છે.

ફિલ્મની રિલીઝના એક સપ્તાહ પહેલા જ આ ફિલ્મની 2 લાખથી વધુ ટિકીટો વેચાઈ ગઈ છે અને રિલીઝ પહેલા જ 12 કરોડથી વધુ રૂપિયાની કમાણી કરી લીધી છે. ભૂતકાળમાં કમાણીના રેકોર્ડ તોડનાર અવતારની સિકવલ સૌથી વધુ કમાણીના રેકોર્ડ તોડશે? તેવો પ્રશ્ર્ન ચર્ચાઈ રહ્યો છે.

ભારતમાં બોકસ ઓફિસ પર સૌથી વધુ એટલે કે 373 કરોડ રૂપિયાની કમાણીનો રેકોર્ડ તોડનારી ફિલ્મ છે. હોલીવુડની એવન્જર્સ: એન્ડ ગેમ. બોકસ ઓફિસના જાણકારો જણાવે છે કે લોકો અવતાર-2ને બહેતર ટેકનોલોજીમાં જોવા માંગે છે. આથી આ ફિલ્મનું આઈમેકસ સહિત પ્રીમીયમ સિનેમાઘરોમાં જબરદસ્ત બુકીંગ ચાલી રહ્યું છે. ટિકીટોના મોંઘા ભાવ છતાં દર્શકો ટિકીટ ખરીદી રહ્યા છે.

બીજી બાજુ અવતાર-2 ને લઈને લોકોનો જોરદાર ક્રેઝ જોઈને બોલીવુડ વાળા પાછળ રહી ગયા છે. તેમણે અગાઉથી જ તેમની ફિલ્મની રિલીઝ ડેટ ખાલી કરી દીધી છે. 16 ડિસેમ્બરે અવતાર-2ની રિલીઝ બાદ પછીના સપ્તાહે રણવીરસિંહની ફિલ્મ નસર્કસથ રિલીઝ થશે. ત્યારબાદ 1 મહિના પછી શાહરુખખાનની પઠાન પહેલા કોઈ ફિલ્મની રિલીઝ નથી.