વિશ્ર્વમાં સાત યુદ્ધો રોકવાની જવાબદારી UNની હતી; પણ મારે તે કરવું પડ્યું: ટ્રમ્પ

ટ્રમ્પે ફરી કહ્યું, ‘મેં ભારત-પાકિસ્તાન યુદ્ધ બંધ કરાવ્યું’

ખાસ-ખબર ન્યૂઝ  નવી દિલ્હી
મંગળવારે અમેરિકાના રાષ્ટ્રપતિ ડોનાલ્ડ ટ્રમ્પે ફરી એકવાર ભારત અને પાકિસ્તાન વચ્ચેના યુદ્ધને રોકવાનો દાવો કર્યો હતો. તેમનું ભાષણ 15 મિનિટ માટે થવાનું હતું, પરંતુ તેઓ 55 મિનિટ માટે બોલ્યા.
ન્યૂયોર્કમાં સંયુક્ત રાષ્ટ્ર મહાસભા (ઞગૠઅ)ને સંબોધતા ટ્રમ્પ કહ્યું, ’વિશ્વમાં ચાલી રહેલા સાત યુદ્ધોને રોકવાની જવાબદારી સંયુક્ત રાષ્ટ્રની છે, પરંતુ મારે તે કામ કરવું પડ્યું.’
ટ્રમ્પે ગેરકાયદેસર ઇમિગ્રેશન, આર્થિક પરિસ્થિતિ, રશિયા-યુક્રેન સંઘર્ષ, ઇઝરાયલ-હમાસ સંઘર્ષ અને કાર્બન ફૂટપ્રિન્ટ જેવા મુદ્દાઓ પર વાત કરી.
ટ્રમ્પના ભાષણની શરૂઆતમાં ટેલિપ્રોમ્પ્ટર ખરાબ થઈ ગયું. તેમણે જવાબ આપ્યો કે આ તેમના માટે કોઈ સમસ્યા નથી, તેમણે કહ્યું કે આ રીતે તેઓ હૃદયથી બોલી શકે છે.
ટ્રમ્પનું તેમના બીજા કાર્યકાળમાં ઞગૠઅમાં આ પહેલું સંબોધન છે. તેમણે છેલ્લે 2020માં યુએસ પ્રમુખ તરીકે ઞગને સંબોધન કર્યું હતું.
ભાષણ પછી, ટ્રમ્પ યુએન સેક્રેટરી-જનરલ એન્ટોનિયો ગુટેરેસ અને યુક્રેન, આર્જેન્ટિના અને યુરોપિયન યુનિયન (ઊઞ)ના નેતાઓ સાથે અલગથી મુલાકાત કરશે. તેઓ કતાર, સાઉદી અરેબિયા, ઇન્ડોનેશિયા, તુર્કી, પાકિસ્તાન, ઇજિપ્ત, ઞઅઊ અને જોર્ડનના નેતાઓ સાથે પણ એક મોટી બેઠક કરશે.
ટ્રમ્પે તેમના ભાષણની શરૂઆતમાં કહ્યું હતું કે તેમનું ટેલિપ્રોમ્પ્ટર ખરાબ થઈ ગયું છે. ટ્રમ્પે મજાકમાં ટિપ્પણી કરી હતી, “તો શું થશે જો ટેલિપ્રોમ્પ્ટર ખરાબ થઈ રહ્યું છે, તો તે મને હૃદયથી બોલવાની તક આપે છે. પરંતુ જે કોઈ તેને ચલાવી રહ્યું છે તે મુશ્કેલીમાં છે.”
યુએનના એક અધિકારીએ રોઇટર્સ ન્યૂઝ એજન્સીને જણાવ્યું હતું કે ટેલિપ્રોમ્પ્ટર યુએન નહીં, પણ વ્હાઇટ હાઉસ ટીમ દ્વારા સંચાલિત હતું. ટ્રમ્પના ભાષણ પછી, યુએન જનરલ એસેમ્બલીના પ્રમુખ અન્નાલેના બેરબોકે કહ્યું, “અમને ઘણા પ્રશ્નો મળી રહ્યા છે, પરંતુ ચિંતા કરશો નહીં, યુએન ટેલિપ્રોમ્પ્ટર સંપૂર્ણ રીતે કામ કરી રહ્યું છે.”
ટ્રમ્પે કહ્યું કે અમેરિકા તેના દેશની સુરક્ષા અને સાર્વભૌમત્વનું રક્ષણ કરવા માટે ટેરિફનો ઉપયોગ કરી રહ્યું છે. તેમણે તેમને વેપાર વાજબી બનાવવાના માર્ગ તરીકે વર્ણવ્યા.
ટ્રમ્પે વિશ્વના નેતાઓને કહ્યું, “અમે બધા દેશો સાથે વેપાર અને સારો વ્યવસાય ઇચ્છીએ છીએ. અમે તેમને મદદ કરીશું. પરંતુ વેપાર બંને બાજુએ વાજબી હોવો જોઈએ.”તેમણે કહ્યું કે કેટલાક દેશોએ વેપાર નિયમો તોડ્યા છે, જેના કારણે નિયમોનું પાલન કરનારા દેશોને નુકસાન થયું છે. ટ્રમ્પે કહ્યું, “તેથી જ અમે અન્ય દેશો પર ટેરિફ લાદ્યા છે. જેમ તેઓ આપણા પર ટેરિફ લાદતા હતા, તેમ હવે આપણે આપણી જાતને બચાવવા માટે ટેરિફનો ઉપયોગ કરી રહ્યા છીએ.”

ટ્રમ્પ H-1B વિઝા લોટરી સિસ્ટમ બંધ કરવાની તૈયારીમાં

ભારે ભરખમ પગારવાળા અને ટેલેન્ટેડ લોકો ફર્સ્ટ પ્રાયોરિટી, 1.44 કરોડના પેકેજવાળાને 4 તક મળશે

ટ્રમ્પ વહીવટીતંત્રે મંગળવારે ઇં-1ઇ વિઝા પસંદગી પ્રક્રિયામાં મોટા ફેરફારોનો પ્રસ્તાવ મૂક્યો હતો. આનાથી યુનાઇટેડ સ્ટેટ્સમાં ઇં-1ઇ વિઝા મેળવવાના નિયમોમાં ફેરફાર થઈ શકે છે. હાલમાં, આ વિઝા લોટરી સિસ્ટમ દ્વારા આપવામાં આવે છે, પરંતુ નવી યોજના હવે મોટા પગારવાળી નોકરીઓને પ્રાથમિકતા આપવામાં આવશે. મતલબ કે, જો અરજીઓ આપેલ વર્ષમાં 85,000થી વધુ મર્યાદા કરતા વધુ આવે છે, તો મોટા પગારવાળી નોકરીઓ ધરાવતા લોકોની પસંદગી થવાની શક્યતા વધુ રહેશે.

નવા નિયમો હેઠળ, શ્રમ વિભાગના અહેવાલોના આધારે બધા ઉમેદવારોને ચાર પગાર કેટેગરીઓમાં મૂકવામાં આવશે. સૌથી વધુ પગાર મેળવનાર, જે વાર્ષિક આશરે 162,500 (લગભગ રૂ. 1.44 કરોડ) કમાય છે, તેઓ ચાર વખત લોટરીમાં ભાગ લેશે. સૌથી ઓછો પગાર ધરાવતા લોકો ફક્ત એક જ વાર લોટરીમાં ભાગ લેશે. આનો હેતુ હાઈ સ્કિલ્ડ અને હાઈ સેલરી ધરાવતા કર્મચારીઓને પ્રાથમિકતા આપવાનો છે. હાઈ સેલરી સિસ્ટમના આધારે વિઝા આપવાનો પ્રસ્તાવ ફેડરલ રજિસ્ટરમાં પ્રકાશિત કરવામાં આવ્યો છે.

30 દિવસ માટે જનતાના અભિપ્રાય લેવામાં આવશે. જો મંજૂરી મળી જાય, તો આ સિસ્ટમ આગામી વિઝા સાઈકલ (એપ્રિલ 2026) થી લાગુ કરી શકાય છે.