જૂનાગઢનાં નવા બાયપાસની પ્રાંત અધિકારીએ મુલાકાત લીધી

ખેડૂતોનાં પ્રશ્ર્નો ઉકેલવા નેશનલ હાઇવેનાં અધિકારીઓને સૂચના આપી

ખાસ-ખબર સંવાદદાતા
જૂનાગઢનાં પ્રાંત અધિકારીએ જૂનાગઢ તાલુકાનાં સરગવાડા અને વધાવી ગામની મુલાકાત લીધી હતી અને ખેડૂતોનાં પ્રશ્ર્નો ઉકેલવા નેશનલ હાઇવેનાં અધિકારીઓને સૂચના આપી હતી.

જૂનાગઢમાં નવા બાયપાસનું કામ ચાલી રહ્યું છે.મોટાભાગનું કામ પૂર્ણ થઇ ગયું છે. નવો બાયપાસ બનતા ખેડૂતોનાં રસ્તા સહિતનાં મુદા ઉઠ્યાં હતાં અને આ અંગે રજુઆતો પણ કરવામાં આવી હતી. ત્યારે જૂનાગઢનાં પ્રાંત અધિકારી ભૂમિબેન કેશવાલાએ જૂનાગઢ તાલુકાનાં સરગવાડા અને વધાવી ગામની મુલાકાત લીધી હતી. સાથે જ નેશનલ હાઇવે દ્વારા કરવામાં આવતા રસ્તાનાં કામનું પણ નિરીક્ષણ કર્યું હતું. તેમજ ખેડૂતોની સમસ્યાને લઇ નેશનલ હાઇવનાં અધિકારીઓને સૂચના આપી હતી. ખેડૂતોની સમસ્યા હલ કરવા તાકીદ કરી હતી.