IPLની 18મી સીઝન 22 માર્ચથી શરૂ થશે: પ્રથમ મેચ KKR – RCB વચ્ચે રમાશે

ફાઈનલ ઈડન ગાર્ડન્સમાં તથા બે પ્લે ઓફ હૈદરાબાદમાં રમાશે

ઇન્ડિયન પ્રીમિયર લીગ (IPL) ની 18મી સીઝન 22 માર્ચ, શનિવારથી શરૂ થશે. શરૂઆતની અને અંતિમ મેચ ડિફેન્ડિંગ ચેમ્પિયન કોલકાતા નાઈટ રાઈડર્સ (KKR) ના હોમ ગ્રાઉન્ડ ઈડન ગાર્ડન્સ ખાતે રમાશે. પ્રથમ મેચમાં, KKR નો મુકાબલો રોયલ ચેલેન્જર્સ બેંગ્લોર (RCB) સામે થશે.

ક્રિકબઝના રિપોર્ટ મુજબ, IPLનું સંપૂર્ણ શેડ્યૂલ 1 કે 2 દિવસમાં જાહેર થઈ શકે છે. ફ્રેન્ચાઇઝ ટીમોને મહત્વપૂર્ણ મેચો વિશે માહિતી આપવામાં આવી છે. કોલકાતાએ 2024 ની ફાઇનલમાં સનરાઇઝર્સ હૈદરાબાદ (SRH) ને હરાવીને ટાઇટલ જીત્યું. આ વખતે હૈદરાબાદમાં 2 પ્લેઓફ મેચ રમાશે. હૈદરાબાદ પણ તેના હોમ ગ્રાઉન્ડથી શરૂઆત કરશે. 17મી સીઝનની રનર-અપ, સનરાઇઝર્સ હૈદરાબાદ, પણ તેના હોમ ગ્રાઉન્ડ, ઉપ્પલથી તેના અભિયાનની શરૂઆત કરશે. તેઓ 23 માર્ચે રાજસ્થાન રોયલ્સ સામે ટકરાશે, આ મેચ ભારતીય સમય મુજબ બપોરે 3.30 વાગ્યે શરૂ થશે. બંને ટીમો ગયા સિઝનના ક્વોલિફાયર-2 માં પણ આમને-સામને થઈ હતી. હૈદરાબાદ મેચ જીતીને ફાઇનલમાં પ્રવેશ્યું.

ફાઇનલ IPL 25 મેના રોજ કોલકાતામાં રમાશે, જેમાં ઓપનિંગ અને ફાઇનલ મેચ ડિફેન્ડિંગ ચેમ્પિયન ટીમના હોમ ગ્રાઉન્ડ પર રમાશે. આ વખતે પણ બંને મહત્વપૂર્ણ મેચ કોલકાતાના ઇડન ગાર્ડન્સ સ્ટેડિયમમાં યોજાશે. ફાઇનલ 25 મેના રોજ રમાશે. ક્વોલિફાયર-2 પણ કોલકાતામાં યોજાશે. ક્વોલિફાયર-1 અને એલિમિનેટર હૈદરાબાદ ખાતે રમાશે, જે અગાઉના રનર-અપ SRHનું હોમ ગ્રાઉન્ડ છે.

10 ટીમો વચ્ચેની મેચો 12 સ્થળોએ રમાશે
10 ટીમોના હોમ ગ્રાઉન્ડ ઉપરાંત, ગુવાહાટી અને ધર્મશાળામાં પણ મેચો રમાશે. ગુવાહાટી રાજસ્થાન રોયલ્સ (RR)નું બીજું હોમ ગ્રાઉન્ડ છે, ટીમ અહીં 2 મેચ રમશે. ટીમ અહીં 26 માર્ચે કોલકાતા અને 30 માર્ચે ચેન્નાઈ સામે ટકરાશે. ધર્મશાલા પંજાબ કિંગ્સ (PBKS)નું બીજું હોમ ગ્રાઉન્ડ છે. ટીમ અહીં 3 મેચ રમશે.

10 ટીમોના બાકીના હોમ ગ્રાઉન્ડ અમદાવાદ, મુંબઈ, ચેન્નાઈ, બેંગલુરુ, લખનૌ, મુલ્લાનપુર, દિલ્હી, જયપુર, કોલકાતા અને હૈદરાબાદ છે. સિઝનની બાકીની મેચો અહીં રમાશે. ટુર્નામેન્ટમાં 10 ટીમો વચ્ચે કુલ 74 મેચ રમાશે.