અવકાશથી પરત ફરવા માટે ક્રૂ મોડ્યુલનું ટેસ્ટ સફળ: ગગનયાન મિશનમાં ઉપયોગ થશે

ચિનૂક હેલિકોપ્ટરે તેને 4સળની ઊંચાઈથી સમુદ્રમાં ફેંક્યું
ખાસ-ખબર ન્યૂઝ નવી દિલ્હી

ભારતના પ્રથમ માનવ અવકાશ મિશન ગગનયાનની તૈયારીમાં મોટી સફળતા મળી છે. ISROએ રવિવારે પ્રથમ ઇન્ટિગ્રેટેડ એર ડ્રોપ ટેસ્ટ (IADT-1)સફળતાપૂર્વક પૂર્ણ કર્યું.
આ પરીક્ષણ વાસ્તવિક પરિસ્થિતિઓમાં ગગનયાન મિશન માટે તૈયાર કરાયેલ પેરાશૂટ સિસ્ટમનું પરીક્ષણ કરવા માટે કરવામાં આવ્યું હતું.
તેનો હેતુ ગગનયાન મિશન પહેલાં પેરાશૂટ ખોલવાની પ્રક્રિયા તપાસવાનો હતો. આ પ્રક્રિયા મિશન દરમિયાન અવકાશયાત્રીઓના સુરક્ષિત પાછા ફરવાની ખાતરી કરશે.
પરીક્ષણ દરમિયાન, વાયુસેનાના ચિનૂક હેલિકોપ્ટરમાંથી 4 કિમીની ઊંચાઈએથી લગભગ 5 ટન વજનનું ડમી ક્રૂ કેપ્સ્યુલ છોડવામાં આવ્યું હતું.
નીચે આવતા સમયે નિર્ધારિત પ્રક્રિયામાં પેરાશૂટ ખુલ્યું અને કેપ્સ્યુલની ગતિ ધીમી કરી અને તેને સુરક્ષિત ઉતરાણ માટે તૈયાર કર્યું.
ISRO, ભારતીય વાયુસેના, ઉછઉઘ, ભારતીય નૌકાદળ અને ભારતીય કોસ્ટ ગાર્ડે આ મહત્વપૂર્ણ પરીક્ષણમાં સાથે મળીને કામ કર્યું.
અવકાશ એક વિકસતી અર્થવ્યવસ્થા છે, જે 2035 સુધીમાં 1.8 ટ્રિલિયન અથવા લગભગ રૂ. 154 લાખ કરોડનું થઈ જશે. તેથી, ભારત માટે તેમાં રહેવું મહત્વપૂર્ણ છે.

ગગનયાન મિશનથી ભારતને શું ફાયદો?
રશિયા, અમેરિકા અને ચીન પછી, ભારત અવકાશમાં માનવ મોકલનાર ચોથો દેશ બનશે.
આનાથી અવકાશ દ્વારા સૌરમંડળના અન્ય પાસાઓ પર સંશોધનનો માર્ગ ખુલશે.
ભારતને પોતાનું સ્પેસ સ્ટેશન બનાવવાના પ્રોજેક્ટમાં મદદ મળશે.
સંશોધન અને વિકાસ ક્ષેત્રે રોજગારની નવી તકો ઉભી થશે.
રોકાણ વધશે, જેનાથી અર્થતંત્રને વેગ મળશે.
અવકાશ ઉદ્યોગમાં કામ કરતા અન્ય દેશો સાથે મળીને કામ કરવાની તક મળશે.