ફિલ્મ ‘ઇમરજન્સી’નું નવું ટીઝર રિલીઝ થઈ ગયું છે. કંગનાએ વીડિયો શેર કરતા લખ્યું, ‘રક્ષક કે તાનાશાહ? આપણા ઈતિહાસના સૌથી અંધકારમય સમયગાળાના સાક્ષી બનો
કંગના રનૌતની આગામી ફિલ્મ ‘ઇમરજન્સી’નું નવું ટીઝર રિલીઝ થઈ ગયું છે. આ સાથે જ ફિલ્મની રિલીઝ ડેટ પણ જાહેર કરવામાં આવી છે. ફિલ્મમાં કંગનાએ પૂર્વ પ્રધાનમંત્રી ઈન્દિરા ગાંધીની ભૂમિકા ભજવી છે. ટીઝરમાં તેનું અદભૂત ટ્રાન્સફોર્મેશન જોવા મળે છે. જણાવી દઈએ કે ફિલ્મમાં અનુપમ ખેર, શ્રેયસ તલપડે, મહિમા ચૌધરી, મિલિંદ સોમન, સતીશ કૌશિક અને અન્ય કલાકારો મહત્વની ભૂમિકામાં છે. એક વીડિયો શેર કરતા કંગનાએ જણાવ્યું કે ફિલ્મ ‘ઇમરજન્સી’ 24 નવેમ્બર 2023ના રોજ સિનેમાઘરોમાં જોવા મળશે.
- Advertisement -
નવું ટીઝર શેર કરતા
કંગનાએ વીડિયો શેર કરતા લખ્યું, ‘રક્ષક કે તાનાશાહ? આપણા ઈતિહાસના સૌથી અંધકારમય સમયગાળાના સાક્ષી બનો જ્યારે આપણા રાષ્ટ્રના નેતાએ તેના લોકો સામે યુદ્ધની ઘોષણા કરી. 24 નવેમ્બરે વિશ્વભરમાં ઈમરજન્સી રિલીઝ થશે. ‘
View this post on Instagram- Advertisement -
મજબૂત ભૂમિકામાં જોવા મળશે કંગના
વીડિયોમાં સૌથી પહેલા લખેલું જોવા મળે છે કે ’25 જૂન 1975′, જ્યારે દેશમાં ઈમરજન્સી જાહેર કરવામાં આવી હતી. અનુપમ ખેર જેલના સળિયા પાછળ છે. બેકગ્રાઉન્ડમાં તેમનો અવાજ સંભળાય છે, ‘ભારતના ઈતિહાસનો સૌથી કાળો સમય આવી ગયો છે. આ સરકારી શાસન નથી, અહંકારી શાસન છે, આ અમારી નહીં પણ દેશની મોત છે, આ તાનાશાહી બંધ કરવી પડશે. અંતમાં ઈન્દિરા ગાંધીની ભૂમિકામાં કંગનાનો અવાજ સંભળાય છે, ‘મને આ દેશની રક્ષા કરતા કોઈ રોકી નહીં શકે કારણ કે ભારત ઈન્દિરા છે અને ઈન્દિરા ભારત છે.’
કંગના એ કાસ્ટનો આભાર માન્યો
કંગનાએ ફિલ્મ વિશે કહ્યું, ‘ઇમરજન્સી આપણા ઇતિહાસના સૌથી મહત્વપૂર્ણ અને અંધકારમય પ્રકરણોમાંથી એક છે જેને યુવાનોએ જાણવાની જરૂર છે. આ એક મહત્વપૂર્ણ વાર્તા છે. હું સ્વર્ગસ્થ સતીશ જી, અનુપમ જી, શ્રેયસ, મહિમા અને મિલિંદ સહિત તમામ કલાકારોનો આભાર માનું છું. ભારતના ઈતિહાસની આ અસાધારણ ઘટનાને મોટા પડદા પર લાવવા માટે હું ઉત્સાહિત છું.’
